(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.10: બીલીમોરા નગરપાલિકા અને નવસારી જિલ્લાના ચીખલી તાલુકાના ઘેકટી, વંકાલ, મજીગામ, થાલા અને આલીપોર ગામો ખાતે રાજયના આદિજાતિ વિકાસ મંત્રી શ્રી નરેશભાઇ પટેલના હસ્તે રસ્તાઓ અને આંગણવાડીના તથા વિવિધ વિકાસ કામોના ખાતમુહૂર્ત કાર્યક્રમ યોજાયો હતો.
બીલીમોરા નગરપાલિકા વિસ્તારમાં રૂા.12-00 કરોડના ખર્ચે 21 કામો અને ચીખલી તાલુકાના ઘેકટી, વંકાલ, મજીગામ, થાલા અને આલીપોર ગામોમાં રૂા.6.31 કરોડના ખર્ચે 116 નાના મોટા વિવિધ વિકાસકામોનું ખાતમુહૂર્ત કરવામાં આવ્યું હતું .
આ પ્રસંગે મંત્રીશ્રી નરેશભાઈ પટેલે જણાવ્યું કે, વિકાસ સુવિધાઓ વધે સાથે રોડ, રસ્તા, લાઈટ, ડ્રેનેજ અને પાણી જેવી પાયાની સુવિધા જન જન સુધી પહોંચાડવામાં ગુજરાત રાજ્ય અગ્રેસર રહ્યું છે. રસ્તાઓને સુગમ બનાવવા સાથે વિકાસના નવા સોપાનો દ્વારા રાજ્યના વિકાસને વેગવંતો કરવા પ્રતિબદ્ધ છે ગુજરાત સરકાર.
ચીખલી તાલુકાના ઘેકટી ગામમાં રૂા.37-00 લાખના ખર્ચ રોડ- રૂા.7.97 લાખના ખર્ચે નિશાળ ફળીયા પાસે આંગણવાડી- રૂા. 35.69 લાખના ખર્ચે 16 વિવિધ વિકાસના કામો, વંકાલ ગામના મોખા ફળિયા પાસે રોડ રૂા.35-00 લાખના ખર્ચે- વંકાલ ગામમાં રૂા. 69.04 લાખના ખર્ચે 20 વિવિધ વિકાસના કામો, મજીગામના આહિરવાસ રોડ રૂા.52.50 લાખના ખર્ચે- રૂા.37.44 લાખના ખર્ચે 16 વિવિધ વિકાસના કામો, થાલા ગામનો રોડ રૂા.44-00 લાખના ખર્ચે-રૂા.7.97 લાખના ખર્ચે થાલા આહિરવાસ પાસે આંગણવાડી- થાલા ગામમાં રૂા.60.40 લાખના ખર્ચે 19 વિવિધ વિકાસના કામો, આલીપોરગામનો રોડ રૂા. 88.00 લાખના ખર્ચે- રૂા.7.50 લાખના ખર્ચે આલીપોર મજીવેલ પાસે આંગણવાડી – આલીપોર ગામોમાં રૂા.53.87 લાખના ખર્ચે 17 વિવિધ વિકાસના કામો અને સમરોલી ગામમાં રૂા.95.44 લાખના ખર્ચે 20 વિવિધ વિકાસના કામોનું ખાતમુહૂર્ત કરવામાં આવ્યું હતું.
આ પ્રસંગે બીલીમોરા નગરપાલિક પ્રમુખ વિપુલાબહેન મિષાી, જિલ્લા પંચાયત બાંધકામ સમિતિના ચેરમેન દિપાબહેન પટેલ, ચીખલી તાલુકા પંચાયત પ્રમુખ શ્રીમતી કલ્પનાબહેન ગાંવિત સહિત પદાધિકારીઓ અધિકારીઓ સહિત ગ્રામજનો ઉપસ્થિત રહયાં હતાં.
