(વર્તમાન પ્રવાહ ન્યુઝનેટવર્ક)
સેલવાસ,તા.03 : સેલવાસના સ્ટેડીયમ ગ્રાઉન્ડ ખાતે બ્લ્યુ સ્ટાર ફૂટબોલ ક્લબ દ્વારા ત્રણ દિવસીય નાઈટ ફૂટબોલ ટૂર્નામેન્ટનું આયોજન કરવામાં આવ્યું છે જેનું ઉદ્ઘાટન દાનહ જિલ્લા પંચાયત સીઈઓ ડો. અપૂર્વ શર્માના હસ્તે કરવામાં આવ્યું હતું. આ ટુર્નામેન્ટમાં 16 ટીમોએ ભાગ લીધો છે. જેમાં 14 ટીમ ગ્રામીણ વિસ્તારની અને બે ટીમો બહારની છે. ફૂટબોલ ટૂર્નામેન્ટની ફાઈનલમાં વિજેતા ટીમને ચેમ્પિયન ટ્રોફી અને રનર્સ અપ ટીમને ટ્રોફી તથા પ્રોત્સાહિત ઈનામ આપવામાં આવશે. આ અવસરે જિલ્લા પંચાયતના પ્રમુખ શ્રીમતી નિશા ભવર, ઉપ પ્રમુખ શ્રી દિપક પ્રધાન, જિ.પં. સભ્ય શ્રી વિપુલ ભુસારા, પ્રદેશ ભાજપ ઉપ પ્રમુખ શ્રી ધર્મેશસિંહ ચૌહાણ, પ્રદેશ ભાજપ યુવા મોરચાના પ્રમુખ શ્રી અપ્પુ પટેલ, મહામંત્રી શ્રી મનીષ દેસાઈ સહિત જિલ્લા પંચાયતના સભ્યો, સરપંચો અને ફૂટબોલ પ્રેમીઓ ઉપસ્થિત રહ્યા હતા.
