(વર્તમાન પ્રવાહન્યુઝ નેટવર્ક)
સેલવાસ,તા.03 : દાદરા નગર હવેલીના ખરડપાડા ગ્રામ પંચાયત ખાતે ‘સબકી યોજના, સબકા વિકાસ’ના મુદ્દા પર અને ગ્રામ પંચાયતના વિકાસ યોજના જન યોજના સંદર્ભે જિલ્લા પંચાયતના મુખ્ય અધિકારી ડો. અપૂર્વ શર્માની અધ્યક્ષતામાં અને સરપંચ શ્રી દામુભાઈ જેઠિયાભાઈ બડઘાની ઉપસ્થિતિમાં આજે ગ્રામસભાનું આયોજન કરવામાં આવ્યું હતું. જેમાં ગ્રામ પંચાયતના વિકાસના સંદર્ભે વિવિધ યોજનાઓ અને મુદ્દાઓ અંગે ચર્ચા-વિચારણા કરવામાં આવી હતી. આ દરમિયાન ગ્રામજનોને સરકારની વિવિધ યોજનાઓ અંગે અલગ અલગ વિભાગના અધિકારીઓ દ્વારા જાણકારી આપવામાં આવી હતી, સાથે નાણાંકીય વર્ષ 2023-’24 માટેના એક્શન પ્લાન મુજબ કરવામાં આવનાર વિકાસકામો અંગે ગ્રામસભામાં ઠરાવની મંજૂરી મેળવી હતી.
અત્રે નોંધનીય છે કે, આ ગ્રામસભામાં ગ્રામજનોની પાંખી હાજરી જોવા મળી હતી. આ અવસરે આસિસ્ટન્ટ ડીપીઓ શ્રી મિતેષ પાઠક, જિ.પ.સભ્ય શ્રીમતી જશોદાબેન રવિન્દ્રભાઈ પટેલ, ડેપ્યુટી સરપંચ સહિત અલગ અલગ વિભાગના અધિકારીઓ, બેન્કના અધિકારીઓ તથા ગ્રામ પંચાયતના સભ્યો અને ગ્રામજનો ઉપસ્થિત રહ્યા હતા.
