(વર્તમાન પ્રવાહ ન્યુઝ નેટવર્ક)
દીવ, તા.07: કેન્દ્ર શાસિત પ્રદેશ દીવ ખાતે દર વર્ષની જેમ આ વર્ષે પણ ગુડ ફ્રાઈડે નિમિત્તે સેન્ટ પોલ ચર્ચમાં પ્રાર્થના કરવામાં આવી હતી. ખ્રિસ્તી સમુદાયના લોકો દ્વારા ભગવાન ઈશુ ખ્રિસ્તને પ્રોસેશન સ્વરૂપ એ ફિરંગી વાડામાં ફેરવવામાં આવ્યા. આજરોજ ખ્રિસ્તી સમુદાયના લોકોએ સેન્ટ પોલ ચર્ચ ખાતે પહેલા પ્રાર્થના કર્યા બાદ ઈશુભગવાનને ડોઢ લાકડા પર અમુક ઈશમો દ્વારા હાથ પગમાં ખીલો મારી દેવામાં આવે છે, તે આખૂ દશ્ય પ્રદર્શીત કરવામાં આવ્યું, અને તેને દોઢ લાકડા પરથી ધીરે ધીરે ઉતારવામાં આવ્યા હતા. આ પ્રસંગે ચર્ચનું વાતાવરણ શોકમય બન્યું હતું. ત્યાર બાદ મધર મેરીની મૂર્તિ અને પ્રાર્થના સાથે પ્રોસેશન સ્વરૂપે ફિરંગી વાડાના મુખ્ય માર્ગો પર ફેરવ્યા અને માર્ગમાં આવતા દરેક નાના નાના દેવળોમાં પ્રાર્થના કરવામાં આવી હતી. જ્યાં લોકોએ ઈશુ ભગવાનના દર્શન કર્યા હતા. ગત રવિવારના રોજ ઈશુ ભગવાનના ખંભા પર ડોઢ લાકડાને રાખી જુલુસ કાઢવામાં આવ્યું હતું, અને ગુડ ફ્રાઈડેના રોજ એટલે શુક્રવારે ભગવાનને મૃત હાલતમાં પ્રોસેશન કાઢવામાં આવી હતી.
