(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.07: ચીખલીના મજીગામમાં પરિવાર ઘર બંધ કરી મુંબઈ દીકરીના ઘરે જતા રાત્રિ દરમિયાન તસ્કરોએ ધાપ મારી રોકડા, સોનાના દાગીના સહિત રૂા.1.10 લાખની ચોરી કરી ફરાર થઈ જતા પોલીસે ચોરીનો ગુનો નોંધી વધુ તપાસ હાથ ધરી હતી.
બનાવની પોલીસ મથકેથી પ્રાપ્ત માહિતી અનુસાર ફરિયાદી પ્રવિણાબેન નટુભાઈ ગજ્જર (રહે. ડેરી કોલોની, મજીગામ, તા.ચીખલી) જે તા.05/11/2022ના રોજ પતિ અને પુત્ર સાથે મુંબઈ તેમની દીકરી સ્વીટીના ઘરે ગયા હતા. આ દરમિયાન રાત્રિના સમયે કોઈ ચોર ઈસમ ઘરમાં પ્રવેશ કરી કબાટમાં મુકેલા રોકડા રૂપિયા 15000 તેમજ રૂમમાં આવેલ પલંગના નીચે એક થેલીમાં સોનાના ઘરેણાં રાખેલા હતા. જેમાં સોનાની બંગડી આઠ નંગ, સોનાની વિંટી ત્રણ નંગ, સોનાનું મંગળસૂત્ર, સોનાની બુટ્ટી, અમેરિકન ડાયમંડના સોનાના કાપ, સોનાની કાનસેર, નાકની જડ મળી કુલ્લે રૂા.1,10,000/- ની મત્તાની ચોરી જતા પોલીસે ચોરીનો ગુનો નોંધી તપાસ હાથ ધરી હતી.
