November 16, 2026
Vartman Pravah
Breaking Newsતંત્રી લેખ

પોતાનો રસ્‍તો શોધવા માહિર હોવા છતાં જિ.પં. પ્રમુખ તરીકે નવિનભાઈ પટેલ માટે રાહ આસાન નહીં રહે

  • સંઘપ્રદેશ પ્રશાસન અને જિલ્લા પંચાયતનું તંત્ર પણ ઓટો મોડમાં આવી ગયેલ હોવાથી હવે નીતિ-નિયમોમાં બાંધછોડ કરવી લગભગ અસંભવ

  • વિધાન સભા નહી ધરાવતા કેન્‍દ્ર શાસિત પ્રદેશોમાં જિલ્લા પંચાયત અને નગર પાલિકાનો વહિવટ વિધાન સભાની સમકક્ષ હોવાનું મનાતા હવે લોકોના અવાજને પણ ઔચિત્‍ય આપવાની જવાબદારી નવિનભાઈ પટેલના શિરે રહેશે

દમણ જિલ્લા પંચાયતના પ્રમુખ તરીકે શ્રી નવિનભાઈ પટેલ માટે હવેના સમયમાં આસાન રાહ નથી. હવે સંઘપ્રદેશ પ્રશાસન અને જિલ્લા પંચાયતનું તંત્ર પણ ઓટો મોડમાંઆવી ગયેલ હોવાથી નીતિ-નિયમોની મર્યાદામાં રહીને જિલ્લા પંચાયતનું તંત્ર શ્રી નવિનભાઈ પટેલે હંકારવું પડશે.જિલ્લા પંચાયતના નવા નીતિ – નિયમોમાં જિલ્લા પંચાયત પ્રમુખ ઉપરાંત કારોબારી સમિતિના અધ્‍યક્ષને પણ લગભગ સમાંતર જેવી જવાબદારી સુપ્રત કરાયેલી છે. તેમની સાથે જાહેર બાંધકામ, શિક્ષણ, સમાજ કલ્‍યાણ જેવી સમિતિઓ પણ જોડવામાં આવેલ છે. ભૂતકાળમાં જે રસ-કસ હતો તેના ઉપર લગભગ પૂર્ણ વિરામ મૂકાય એ પ્રકારની વ્‍યવસ્‍થા કરાયેલી હોવાનું દેખાય છે. જો કે આ બધી વ્‍યવસ્‍થાઓ વચ્‍ચે પણ શ્રી નવિનભાઈ પટેલ પોતાનો રસ્‍તો શોધવા માહિર હોવાનું માનવામાં આવે છે. તેથી જિલ્લા પંચાયતના પ્રમુખ તરીકે શ્રી નવિનભાઈ પટેલ તેમને મળેલી સત્તાનો વ્‍યાપક હિતમાં ઉપયોગ કરશે એવી આશા તમામ ગ્રામજનો વ્‍યક્‍ત કરી રહ્યા છે.

અત્રે યાદ રહે કે, વિધાન સભા નહી ધરાવતા કેન્‍દ્ર શાસિત પ્રદેશોમાં જિલ્લા પંચાયત અને નગર પાલિકાનો વહિવટ વિધાન સભાની સમકક્ષ માનવામાં આવે છે. કારણ કે જનતાનો આદેશ મેળવી લોકશાહી ઢબે કામ કરનારી પ્રદેશની સુપ્રિમ સંસ્‍થાઓ છે. તેથી લોકોના અવાજને પણ ઔચિત્‍ય આપવાની જવાબદારી હવે શ્રી નવિનભાઈ પટેલના શિરે રહેશે.
દમણ જિલ્લા પંચાયતનો ભૂતકાળ બહુ સારો રહ્યો નથી. ભૂતકાળમાં દમણ જિલ્લા પંચાયતભ્રષ્‍ટાચારની પ્રયોગશાળા તરીકે બદનામ થઈ ચૂકેલી છે. જેમાં જિલ્લા પંચાયત પ્રમુખ સહિતના ઘણાના હાથ પણ દાઝેલા છે. ત્‍યારે પોતાના ભૂતકાળમાંથી બોધપાઠ લઈ દમણ જિલ્લા પંચાયતના ગ્રામ્‍ય વિસ્‍તાર અને ગ્રામ્‍ય પ્રતિનિધિઓના રાહબર બનવાની સંપૂર્ણ શક્‍તિ જિલ્લા પંચાયતના પ્રમુખમાં રહેલી છે. તેનો પોતાના વિવેકથી કેવો અને કેટલો ઉપયોગ કરે તેના ઉપર પણ જિલ્લા પંચાયત પ્રમુખ તરીકે શ્રી નવિનભાઈ પટેલ ઉપર તમામનું ધ્‍યાન કેન્‍દ્રિત રહેશે.

એક્‍સ્‍ટ્રા કોમેન્‍ટ
દમણ જિલ્લા પંચાયતના પ્રમુખ તરીકે શ્રી નવિનભાઈ પટેલ પાસે રપમી ફેબ્રુઆરીથી 31મી મે 2023 સુધી 461 દિવસ છે. એટલે કે, 15 મહિના અને 4 દિવસ સુધી તેઓ જિલ્લા પંચાયતના પ્રમુખ તરીકે રહી શકે છે. 15 મહિનામાં શ્રી નવિનભાઈ પટેલ કેવા કામો કરે તેના ઉપર તેમના ભવિષ્‍યનો પણ આધાર રહેલો છે. ગુડલક શ્રી નવિનભાઈ પટેલ…!

Related posts

નરોલીમાં ગ્રામસભા યોજાઈ

vartmanpravah

લવાછા પિપરીયા પુલ ઉપરટિફિન આપવા જઈ રહેલ સાયકલ સવારનું અકસ્‍માતમાં મોત

vartmanpravah

વલસાડના ભાગડાખુર્દ ગામમાં પીવાની પાણીની સમસ્‍યા ઉકેલવા પ્રાંત અધિકારી આસ્‍થા સોલંકીના અધ્‍યક્ષસ્‍થાને મહત્‍વપૂર્ણ બેઠક મળી

vartmanpravah

રાજ્‍યમાં સૌથી વધુ પ્રદૂષિત ગણાતા શહેર વાપીમાં પ્રદૂષણ ઘટયું: હવે, સૌથી વધુ પ્રદૂષણ વડોદરામાં

vartmanpravah

ધરમપુર તાલુકાની શાળાકીય રમતોત્‍સવમાં નાની વહીયાળ હાઈસ્‍કૂલનો ડંકો

vartmanpravah

સેલવાસ ન.પા. દ્વારા ઝંડાચોક શાળા પરિસર ખાતે ‘મેરી માટી, મેરા દેશ’ ઝુંબેશ અંતર્ગત કાર્યક્રમ યોજાયો

vartmanpravah

Leave a Comment