(વર્તમાન પ્રવાહ ન્યુઝ નેટવર્ક)
સેલવાસ,તા.18: સંઘપ્રદેશ દાદરા નગર હવેલી વન વિભાગની ટીમને મળેલ બાતમીના આધારે નરોલી રોડ ઉપરથી શનિવારે પાસ પરમીટ વગર લાકડા ભરેલ એક ટેમ્પો ઝડપી પાડયો હતો.પ્રાપ્ત વિગત અનુસાર દાદરા નગર હવેલી વન વિભાગના અધિકારીને મળેલ બાતમીના આધારે ફોરેસ્ટ ગાર્ડ શ્રી નટુભાઈ માર્ગે અને ફોરેસ્ટર શ્રી ગોવિંદ પટેલે લાકડા ભરેલ ટેમ્પોનો પીછો કરી નરોલી રોડ પાસે અટકાવ્યા બાદ ટેમ્પોચાલકની પૂછપરછ કરતા તે બારડોલીથી નરોલીમાં નીલગીરીના લાકડા ભરેલ ટેમ્પો લઈને આવ્યો હતો, જેની પાસે લાકડા માટે કોઈપણ જાતના પાસ પરમીટ ન હતા. વનવિભાગની ટીમે ટેમ્પોચાલક અને લાકડા ભરેલ ટેમ્પોનો કબ્જો લઈ આર.એફ.ઓ. શ્રી કિરણસિંહ પરમાર દ્વારા આઈ.એફ.એ. 1927, 41(2બી) ફોરેસ્ટ રૂલ્સ મુજબ આગળની કાર્યવાહી હાથ ધરવામાં આવી છે.
