પૈસાની આપ-લે માં મારામારી થઈ હોવાનું આવ્યું બહાર
(વર્તમાન પ્રવાહ ન્યુઝ નેટવર્ક)
પારડી, તા.29 : 31st નો માહોલ ધીમે ધીમે જોર પકડી રહ્યો છે દારૂના શોખીનો યેનકેન પ્રકારે દારૂ મેળવવા બુટલેગરોને ઓર્ડર આપી 31તદ્દ નીઉજવણીની તૈયારી કરી રહ્યા છે તો દર વર્ષની જેમ વલસાડ જિલ્લા પોલીસે પણ દરેક ચેકપોસ્ટ પર ચુસ્ત બંદોબસ્ત ગોઠવી સઘન ચેકિંગ હાથ ધરી દીધું છે.
આવા માહોલ વચ્ચે ગઈકાલે રાત્રે દમણમાં આવેલ એક વાઈન શોપ બહાર દારૂના નશામાં જાહેરમાં એકબીજાના વાળ પકડી મારામારી કરતી બે મહિલાના વિડીયોએ સોશિયલ મીડિયામાં ધૂમ મચાવી દીધી છે. જોકે આ બંને મહિલા પૈસાની આપ-લે બાબતે ઝઘડતી હોવાનું બહાર આવ્યું છે. આ બંને મહિલાના જાહેરમાં મારામારી જોવા લોકોના ટોળેટોળા ભેગા થઈ ગયા હતા. મારામારી એટલા હદે વધી ગઈ હતી કે આ બંને મહિલાઓએ એકબીજાના સ્કૂટરને પણ નુકસાન પહોંચાડ્યું હતું. કેટલાક લોકોએ આ મહિલાઓને ઝઘડતી રોકવા પ્રયત્ન કર્યા હતા પરંતુ તેઓ સફળ ન થતા આખરે દમણ પોલીસે સ્થળ પર આવી આ મહિલાઓને શાંત પાડી મામલો થાળે પાડ્યો હતો.
