યુનિવર્સિટી આયોજિત જુડો ટુર્નામેન્‍ટમાં કેબીએસ કોમર્સ અને નટરાજ પ્રોફેશનલ સાયન્‍સિસ કોલેજના ખેલાડીઓનું નોંધપાત્ર પ્રદર્શન

(વર્તમાન પ્રવાહ વાપી બ્‍યુરો)
વાપી, તા.08: વાપીના ચણોદમાં આવેલી કેબીએસકોમર્સ એન્ડ નટરાજ પ્રોફેશનલ સાયન્સિસ કોલેજે ફરી એકવાર રમતગમત ક્ષેત્રે પોતાની શ્રેષ્ઠતા પુરવાર કરી છે. વીર નર્મદ દક્ષિણ ગુજરાત યુનિવર્સિટી, સુરત ખાતે તાજેતરમાં યુનિવર્સિટી આયોજિત જુડો ટુર્નામેન્ટમાં કોલેજના ખેલાડીઓએ ઉત્કૃષ્ટ દેખાવ કર્યો હતો. સદર કોલેજના ભાગ લીઘેલવિદ્યાર્થી ખેલાડી મિત્રોએ તેમની પ્રતિભા અને સમર્પણનું પ્રદર્શન કર્યું, વિવિધ વજન કેટેગરીમાં મેડલ મેળવ્યા. નીચેના વિદ્યાર્થીઓએ મેડલ જીતીને પોતાની છાપ બનાવી: 1. બિકી પ્રજાપતિ – S.Y.B.Com. (સિલ્વર મેડલ) 2. હાર્દિક પટેલ – S.Y.B.Com. (બ્રોન્ઝ મેડલ) 3. આશિષ સિંહ – F.Y.B.C.A. (બ્રોન્ઝ મેડલ) 4. જશ વારલી – T.Y.B.Com. (બ્રોન્ઝ મેડલ) કોલેજના આચાર્ય ડૉ. પૂનમ બી. ચૌહાણે તમામ વિજેતાઓને તેમની અસાધારણ સિદ્ધિઓ માટે હૃદયપૂર્વક અભિનંદન પાઠવ્યા હતા. તેમજ વિદ્યાર્થી મિત્રોને માર્ગદર્શન અને સમર્થન આપવા બદલ ડૉ. મયુર પટેલ અને રોહિત સિંઘનાપ્રયાસોની પણ પ્રશંસા કરી હતી. તેમજ વિદ્યાર્થીઓને તેમના ભવિષ્યનાપ્રયત્નોમાં સતત સફળતાની શુભેચ્છા પાઠવી હતી.