ચાર જેટલા ચોરોની હરકતો સી.સી.કેમેરામાં કેદ
(વર્તમાન પ્રવાહ ન્યુઝ નેટવર્ક)
પારડી, તા.11: પારડીમાં પોલીસને સીધો સીધો પડકાર તસ્કરો ફેંકી રહ્યા હોય એવું લાગી રહ્યું છે પારડીના ખડકી ખાતે આવેલ હાઈવે સ્થિત વિનાયક પેટ્રોલ પંપ ખાતે છુટા માંગવાના બહાને ટેબલના ખાનામાંથી આશરે 25000 જેટલી રોકડ રકમની ચીલ ઝડપ કરી બે અજાણ્યા ઈસમો મોટરસાયકલ પર ભાગી છુટવાની ફરિયાદ હજુ તો નોંધાય તે પહેલા જ ફરી એક વખત એજ રાતે બે મોટરસાયકલ લઈ આવેલા ચાર જેટલા અજાણ્યા ઈસમો પારડી હાઈવે સ્થિત વિશ્રામ હોટલની બાજુમાં આવેલ અલ મદીના કોમ્પ્લેક્સમાં પ્રવેશી ચાર જેટલા બંધ ફલેટો જેમાં (1) 104 સદ્દામ ઝાકીર તનવર જેઓ મુંબઈ ગયા હોય એમના બધ ફલેટનું તાળુ તોડી બે સેટ સોનાની કાનની બુટ્ટી, એક રીંગ, ચાંદીના સાંકડા અને 4 થી 5000 રોકડા, (2) 105 ફરહાદ શેખ જેઓ નાનાપોંઢા ગયા હોય એમના બંધ ફલેટમાંથી સોનાની બુટ્ટી અને 20 હજાર રોકડા, (3) 102 સલમાન ખાન અને (4) 203 મહેબૂબ મુલ્લાંના પણ બધ ફલેટ તોડી ચોરી કરી પારડી પોલીસને સીધો સીધો પડકાર ફેકયોછે.
ગત વર્ષ દરમ્યાન પણ ઠંડીની સિઝનમાં જ પારડી શહેર તથા પારડીની આજુબાજુના ગામોમાં ચોરી કરી ચોરોએ તડખાટ મચાવતા પોલીસ પર વિશ્વાસ છોડી યુવાનોએ પોતાની રીતે યુવાનોની ટીમો બનાવી પોતાના ઘરો તથા ફળિયાની રક્ષા કરવાની નોબત આવી હતી. પારડી પોલીસ ગત વર્ષની પરિસ્થિતિ ધ્યાને લઈ ફરી એકવાર લોકો ચોરોથી ડરીને ન રહે અને પોલીસ પર વિશ્વાસ કરે એ માટે પોલીસે કોઈ એક્શન પ્લાન બનાવી આ ચોરોને શરૂઆતમાં જ ઝડપી લઈ એમની મુખ્ય ગેંગ સુધી પહોંચી ચોરી થતી બંધ કરાવે એવી લોકો દ્વારા માંગ ઉઠી રહી છે.
