(વર્તમાન પ્રવાહ ન્યુઝ નેટવર્ક)
પારડી, તા.12: પારડી તાલુકાના તીઘરા ગામે ચાલી ફળિયામાં રહેતી યુવતીનો લગ્ન પ્રસંગ હતો અને જેમાં ગત શુક્રવારના રોજ ડીજે મંગાવી નાચગાનનું આયોજન કરાયું હતું. આ લગ્ન પ્રસંગના ડીજેમાં ગીત બદલવાના મુદ્દે અચાનક ગિરીશ ઉર્ફે ગિરિયો નાયકા તથા જગદીશ ઉર્ફે જગ્ગો હળપતિ બંને રહે.તીઘરા ડુંગરી ફળિયાનાઓ અંદરોઅંદર બોલાચાલી કરી ઝઘડા ઉપર ઉતરી આવ્યા હતા. અને એકબીજાને પથ્થર મારતા જોવા મળતા ત્યાં હાજર પુનેશ કિશનભાઈ પટેલ બગવાડા મસ્જિદ ફળિયા વચ્ચે પડ્યા હતા અને આ બંને ઈસમોએ પથ્થર વડે પુનેશને મારી દેતા પુનેશ ઘવાઈ ગયો હતો. જેથી તેણે આ મામલે પારડી પોલીસ મથકે આવી સમગ્ર બાબતની જાણ કરી ફરિયાદ નોંધાવી છે.
