(વર્તમાન પ્રવાહ ન્યુઝ નેટવર્ક)
સેલવાસ, તા.15 : જળ સંસ્થાઓ અંગે જાગૃતિ લાવવા અને નદી, તળાવ, સરોવર વગેરે જળષાોતોના સંરક્ષણને પ્રોત્સાહન આપવા તેમજ તેમના મૂલ્ય અને મહત્વ અંગે લોકોમાં જાગૃતતા વધારવાના હેતુથી દર વર્ષે જળષાોતો માટે આંતરરાષ્ટ્રીય કાર્યવાહી દિવસ મનાવવામાં આવે છે. જેમાં નદીઓ માટે આંતરરાષ્ટ્રીય કાર્યવાહી દિવસ એક એવો દિવસ છે જે એકજૂટતાને સમર્પિત છે.
આજે નદીઓ માટે આંતરરાષ્ટ્રીય કાર્યવાહી દિવસ-2023 મનાવવા માટે સંઘપ્રદેશના દાદરા નગર હવેલી જિલ્લાના આપત્તિ પ્રબંધન સેવાના સમન્વયમાં સામરવરણી યુવા સંગઠન, સેલવાસ નગરપાલિકા તથા સેલવાસ સ્માર્ટસીટી લિમિટેડ દ્વારા ‘નદી સ્વચ્છતા’ અભિયાન અંતર્ગત પીપરીયા પુલ નજીકખાડીમાં સાફ-સફાઈનું મોટાપાયે આયોજન કરવામાં આવ્યું હતું. આ અભિયાનમાં સ્વયંસેવકો દ્વારા નદીકિનારેના વિસ્તારની સાફ-સફાઈ હાથ ધરી હતી જેમાં અંદાજીત 6 ટ્રક જેટલો કચરો એકત્રિત કર્યો હતો અને એક સરાહનીય, તમામ માટે અનુકરણીય, સ્વચ્છતા પ્રત્યેનો સંદેશ વહેતો કર્યો હતો. ખાડીમાંથી એકત્રિત કરાયેલો કચરો ડમ્પિંગ યાર્ડમાં મોકલી દેવામાં આવ્યો હતો.
આ અભિયાન દ્વારા નદી તથા અન્ય પાણીનાસ્ત્રોતોમાં ગંદકી નહીં ફેલાઈ તથા તેમના આજુબાજુના કિનારા/વિસ્તારને પણ હંમેશા સાફ રાખવા અને નદી-નાળા, તળાવમાં કચરો નહીં ફેંકવાનો બુલંદ સંદેશ વહેતો કર્યો હતો.
