(વર્તમાન પ્રવાહ ન્યુઝ નેટવર્ક)
પારડી, તા.15: દમણથી SUV કારના ચોર ખાનામાં દારૂનો જથ્થો સંતાડી ખેપિયો ભરૂચ લઈ જઈ રહ્યો હોવાની બાતમી પારડી પોલીસ મથકના પી.આઈ બી. જે સરવૈયાને મળતા તેમણે સ્ટાફને એલર્ટ કરી હતી અને મોતીવાડા રેલવે બ્રિજ પાસેથી બાતમી વાળી SUV કારનં.જીજે-03-એચએ-4292 પસાર થતાં અટકાવી હતી અને તલાશી લેવામાં આવતા કારના પગ મૂકવાની જગ્યાએ ચોર ખાના મળ્યા હતા. જેમાંથી વિદેશી દારૂની બોટલ નંગ 92 જેની કિંમત રૂા.49600નો જથ્થો મળી આવતા ચાલક જૈનેશ મુકેશભાઈ લેઉવા પટેલ ઉવ 35 રહે.ભરૂચ ચિંગલ પૂરા પટેલ ફળિયા રેલવે સ્ટેશન પાસેની ધરપકડ કરવામાં આવી હતી અને કાર અને દારૂ મળી પારડી પોલીસે 3.54.600 નો કુલ મુદ્દામાલ કબ્જે લઈ વધુ પુછપરછ કરતાં આ દારૂનો જથ્થો જૈનેશે દમણ ભીમપોરથી મયુર આહીર પાસેથી મેળવ્યો હોવાનું બહાર આવતા તેને વોન્ટેડ જાહેર કરી પારડી પોલીસે વધુ કાર્યવાહી હાથ ધરી છે.
