(વર્તમાન પ્રવાહ ન્યુઝ નેટવર્ક)
પારડી, તા.15: પારડી તાલુકાના સુખેશ ગામે રહેતો પ્રતિકભાઈ નાનુભાઈ કો પટેલ ગત 24 એપ્રિલના રોજ તેની બહેન દિવ્યાબેન હાર્દિકભાઈ પટેલને રોયલ ઈન્ફિલ્ડ બુલેટ નંબર જીજે-21-બીઈ-3237 પર બેસાડી પારડી બજાર આવવા માટે નીકળ્યા હતા. ત્યારે બાલદા એલએન્ડટી પાસે પારડી આવતા રોડ પર ઓલ્ટો કાર નંબર જીજે-21-બીસી-9236 સાથે અકસ્માત સર્જાયા બુલેટ પર બેસેલા ભાઈ-બહેન માર્ગ પર પટકાયા હતા. જેમાં બંને ઘાયલ બનતા સારવાર માટે વલસાડ અમિત હોસ્પિટલ લઈ ગયા હતા.આ અકસ્માતમાં દિવ્યાબેનને હાથના અને પીઠના ભાગે ઈજા પહોંચી હતી. જ્યારે પ્રતિકને હાથના કાંડાના ભાગે અને પગના ભાગે ફેકચર જેવી ઈજા પહોંચી છે. આ અકસ્માત બાદ ઓલ્ટો કાર ચાલકે સારવારનો ખર્ચ આપવા જણાવ્યુ હતું જે બાદ ખર્ચ ના આપતા દિવ્યાબેન ઘટનાના 22 દિવસે પારડી પોલીસ મથકે આવી ઓલ્ટો કાર ચાલક વિરુધ્ધ ફરિયાદ નોંધાવી છે જે આધારે પારડી પોલીસે વધુ કાર્યવાહી હાથ ધરી છે.
