November 30, 2025
Vartman Pravah
Breaking Newsડિસ્ટ્રીકટદમણ

નાની દમણ પોલીસ બીચ રોડ ઉપર ફેરી કરતા અને ઊંટ-ઘોડા ચલાવનારાઓને પોતાના ‘ખબરી’ બનાવશે

દરિયા કિનારે ચાલતી અસામાજિક પ્રવૃત્તિ કે સંદિગ્‍ધ ગતિવિધિની જાણકારી માટે નાની દમણ પોલીસ સ્‍ટેશનના ઈન્‍ચાર્જ પી.એસ.આઈ. વિશાલ પટેલે બીચ રોડ ઉપર ઊંટ-ઘોડા ચલાવનારા તથા ફોટોગ્રાફરો અને ભેળપુરી, પાણીપુરી, આઈસ ક્રીમ ચણા-સિંગ વગેરે વેચનારાઓ સાથે બેઠક કરી અકસ્‍માત કે દુર્ઘટનાની સાથે ગેરકાયદે થતી પ્રવૃત્તિ અને સંદિગ્‍ધ ગતિવિધિની જાણકારી માટે કેળવેલી મિત્રચારી

(વર્તમાન પ્રવાહ ન્‍યુઝ નેટવર્ક)
દમણ, તા.01 : આજે દમણ પોલીસે નાની દમણ બીચ રોડ ઉપર ઊંટ, ઘોડા ચલાવનારા તથા ફોટોગ્રાફરો અને ભેલપુરી, પાણીપુરી, આઈસ ક્રીમ, ચણા-સિંગ વગેરે વેચનારા ફેરિયાઓ સાથે એક બેઠક કરી દરિયા કિનારે થતી કોઈપણ સંદિગ્‍ધ ગતિવિધિ તથા અકસ્‍માત/દુર્ઘટનાની તાત્‍કાલિકજાણકારી આપવા સમજ આપી હતી.
પ્રાપ્ત માહિતી પ્રમાણે આજે નાની દમણ પોલીસ સ્‍ટેશનના ઈન્‍ચાર્જ પી.એસ.આઈ. શ્રી વિશાલ પટેલે નાની દમણના બીચ રોડ અને દરિયા કિનારે ઘોડા-ઊંટ ચલાવનારા તથા ફોટોગ્રાફરો અને ભેળપુરી, પાણીપુરી, આઈસ ક્રીમ, ચણા-સિંગ વગેરે વેચતા ફેરિયાઓ સાથે મીટિંગ કરી તેમને દરિયા કિનારે થતી કોઈ ગેરકાયદે પ્રવૃત્તિ કે સંદિગ્‍ધ ગતિવિધિ અથવા કોઈ દુર્ઘટના કે અકસ્‍માતની જાણકારી મળે તો તાત્‍કાલિક નજીકના પોલીસ સ્‍ટેશન અથવા હેલ્‍પ લાઈન નંબર 112 અને 100 ઉપર સૂચના આપવા જણાવાયું હતું. તેમણે જણાવ્‍યું હતું કે, સૂચના આપનારની ઓળખ ગુપ્ત રાખવામાં આવશે. નાની દમણ પોલીસ સ્‍ટેશનના ઈન્‍ચાર્જ પી.એસ.આઈ. શ્રી વિશાલ પટેલે પોતાનો પર્સનલ મોબાઈલ નંબર પણ આપી તમામને વાત કરી માહિતી આપવ અથવા સીધા પોલીસ સ્‍ટેશનમાં આવી તેમને મળી જાણકારી આપવા પણ સમજ આપી હતી.
નાની દમણ પોલીસ સ્‍ટેશનના ઈન્‍ચાર્જ પી.એસ.આઈ. શ્રી વિશાલ પટેલના ફેરિયાઓ સાથેના મિત્રચારી ભર્યા અભિગમથી કાંઠા વિસ્‍તારમાં થતી ગેરકાનૂની અને દેશદ્રોહી પ્રવૃત્તિની સૂચના ખુબ જ સરળતાથી મળી શકશે એવી આશા પણ બંધાઈ છે.

Related posts

દાનહમાં 01 કોરોના પોઝિટિવ કેસ નોંધાયો

vartmanpravah

વાપી દેસાઈવાડ નામધા રોડ ઉપર મોબાઈલ શોપ શટરના તાળા તૂટયા : ઘટના સીસીટીવીમાં કેદ

vartmanpravah

ચીખલી સેવા સદનમાં પ્રાંત અધિકારીની અધ્‍યક્ષતામાં પ્રિ-મોન્‍સૂન બેઠક મળી : આગામી 1-જૂનથી કન્‍ટ્રોલ રૂમ શરૂ કરાશે

vartmanpravah

દાનહ લેબર વિભાગ દ્વારા બે દિવસીય રોજગાર મેળાનું આયોજન

vartmanpravah

આજે દાનહના શબરીમાલા અયપ્‍પા સેવા સમાજ દ્વારા મકર જ્‍યોતિ ઉત્‍સવ યોજાશે

vartmanpravah

વલસાડની શાકમાર્કેટનાં પ્રશ્ને લોકદરબાર બોલાવવાની કલેકટર સમક્ષ માંગણી

vartmanpravah

Leave a Comment