(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.20: ચીખલી સેવાસદન ખાતે પ્રાંત અધિકારીની અધ્યક્ષતામાં આગામી ચોમાસા દરમ્યાન પડકારોનો સામનો કરવા પ્રિ-મોન્સૂન પ્રીપેડનેશ બેઠક યોજાઈ હતી. જેમાં ચીખલી પ્રાંત અધિકારી મિતેશ પટેલએ પ્રિમોન્સુન કામગીરી માટે સંબંધિત વિભાગના અધિકારીઓ સાથે ચર્ચા-વિચારણા કરી કામગીરી પાર પાડવા એકશન પ્લાન તૈયાર કરાયો હતો. આફત સમયે જરૂરી અનાજ પુરવઠો હાથ પર રહે, ડિઝાસ્ટર મેનેજમેન્ટ પ્લાન અપડેટ કરવો, ડેમમાં પાણી છોડવા અંગે આગોતરી જાણ કરવી, પાણી ભરાવાના સ્થળે સાઈન બોર્ડ, પૂરગ્રસ્ત વિસ્તારોમાં આશ્રય સ્થાનો નક્કી કરવા, વીજ પુરવઠો સતત મળતો રહે તે માટે કાર્યવાહી, ગટર ડ્રેનેજની સફાઇ, દવાનો જથ્થો, પીવાનું પાણી, પાણીનું શુદ્ધિકરણ, વરસાદ માપક યંત્ર, શાળા ઓરડા, મૃત પશુઓના નિકાલની વ્યવસ્થા, આંગણવાડી કેન્દ્રોનું સમારકામ, અતિવૃષ્ટિ અને અનાવૃષ્ટિમાંખેતી પાકનો સર્વે, માર્ગ ઉપર નડતરરૂપ વૃક્ષોની છટણી, કંટ્રોલ રૂમ ફોન, કુદરતી કે માનવસર્જિત આફતો દરમ્યાન તલાટીઓએ વિગતો અપડેટ કરી મામલતદારને આપવી જેવી અનેક બાબતો ઉપર વિચાર વિમર્શ કરાયો હતો.
ચીખલી મામલતદાર રાકેશભાઈ જોશી, ટીડીઓ કેતનભાઈ દેસાઈ, માર્ગ મકાન સ્ટેટ અને પંચાયત, ટીપીઓ વિજયભાઈ, ટીએચઓ અલ્પેશભાઈ, પોલીસ, વીજ કંપની, વન વિભાગ, ખેતીવાડી સહિત અધિકારીઓ ઉપસ્થિત રહ્યા હતા.
