જોખમી સ્ટંટ કરવાની મનાઈ હોવા છતાં જીંદગી સાથે યુવા
રમત રમી રહ્યા છે
(વર્તમાન પ્રવાહ વાપી બ્યુરો)
વાપી, તા.04: વલસાડના કાપરી રેલવે ઓવરબ્રિજ ઉપર એક યુવતિ જોખમી રીતે રીલ બનાવતો વિડીયો સોશિયલ મીડિયામાં વાયરલ થયો છે. ત્યારે પોલીસ દ્વારા કડક કાર્યવાહી કરવાની માંગ ઉઠી છે.
વલસાડના કાપરી રેલવે ઓવરબ્રિજ ઉપર એક યુવતિ જીવના જોખમે રીલ બનાવી રહ્યાનો વિડીયો સોશિયલ મીડિયામાં વાયરલ થયો છે. હકિકત અને કાયદાકીય રીતે આવા જોખમી વિડીયો જીંદગીના ભોગે ના બનાવાય તેવો પ્રતિબંધ હોવા છતાં યુવાનીની ઘેલછા અને પ્રસિધ્ધિની ભૂખમાં યુવાનો ખોટા સાહસો અવારનવાર કરતા જોવા મળ્યા છે. નવનિર્મિત રેલવે પુલ ઉપર વિડીયો બનાવતી યુવતિનો વિડીયો વાયરલ થતા જ કાયદેસર કાર્યવાહી કરવાની માંગ ઉઠી છે. વિશેષ ગંભીર બાબત તો એ છે કે રેલવેની 25000 વોટની હાઈટેન્સન લાઈન પણ પાસેથી પસાર થાય છે. જે યુવતિના જીવનને જોખમ પહોંચાડી શકે છે.
