દમણના સબ ડિવિઝન મેજીસ્ટ્રેટ પ્રિયાંશુ સિંઘે જારી કરેલો આદેશ
(વર્તમાન પ્રવાહ ન્યુઝ નેટવર્ક)
દમણ, તા.21: દમણ જિલ્લામાં આગામી તારીખ 2પમી એપ્રિલના મંગળવારે વીવીઆઈપી વિઝીટને ધ્યાનમાં રાખી સબ ડિવિઝનલ મેજીસ્ટ્રેટ શ્રી પ્રિયાંશુ સિંઘે ક્રિમીનલ પ્રોસીજર કોડ 1973ની કલમ 144 મુજબ જાહેરનામું પ્રસિદ્ધ કરી 24મી એપ્રિલના સાંજે 6 વાગ્યાથી 26મી એપ્રિલના સવારે 6 વાગ્યા સુધી ટ્રક સહિતના ભારે વાહનોની અવર જવર ઉપર પ્રતિબંધ ફરમાવવામાં આવ્યો છે. દમણ જિલ્લાના ઉદ્યોગોમાં ટ્રાન્સપોર્ટ સેવા પુરી પાડતા ટ્રાન્સપોર્ટરોએ ટ્રક અને ભારે વાહનોની અવર જવર ઉપર લગાવવામાં આવેલા પ્રતિબંધની નોંધ લેવા પણ જણાવાયું છે. આ આદેશનો ભંગ કરનાર કોઈપણ વ્યક્તિ આઈપીસીની 188 કલમ અંતર્ગત સજાને પાત્ર ગણાશે.
