(વર્તમાન પ્રવાહ વાપી બ્યુરો)
વાપી, તા.23: શ્રી સ્વામિનારાયણ સેકન્ડરી એન્ડ હાયર સેકન્ડરી સ્કૂલ સલવાવમાં તારીખ 22 જુલાઈ 2023ના રોજ આચાર્યશ્રી ચંદ્રવદન પટેલના માર્ગદર્શન હેઠળ પેરેન્ટ્સ ડે નિમિત્તે માતા-પિતા માટે શુભેચ્છા કાર્ડ બનાવવાની સ્પર્ધાની ઉત્સાહભેર ઉજવણી કરવામાં આવી હતી. જેમાં શિક્ષકો દ્વારા યોગ્ય માર્ગદર્શન અને પ્રેરણાથી ધોરણ 9 થી 12 ના વિદ્યાર્થીઓએ પોતાની અંદર રહેલ સર્જનાત્મકશક્તિ અને કલાનો ઉપયોગ કરી સુંદર કાર્ડ બનાવ્યા હતા. જેમાં, દરેક બાળકોએ માતા-પિતા માટે રહેલી લાગણી, પ્રેમ, ભાવ વ્યક્ત કરતા વાકયો લખ્યા હતા. આ સ્પર્ધામાં દરેક વર્ગમાંથી વિજેતાઓ જાહેર કરી પ્રમાણપત્ર આપવામાં આવ્યું હતું.
ભાગ લેનાર તમામને સંસ્થાના મેનેજીંગ ટ્રસ્ટી પૂજ્ય કપિલ સ્વામીજી, ડાયરેક્ટર ડો.શૈલેષ લુહાર, ડાયરેક્ટર શ્રી હિતેનભાઈ ઉપાધ્યાય, શૈક્ષણિક સ્ટાફએ અભિનંદન પાઠવ્યા હતા.
