કંપનીમાં કર્મચારીઓ લઈ આવતા ઈકો મારુતિ ચાલકોએ રેસ્કયુ કરી કેબિનમાં ફસાયેલ ટેન્કર ચાલકને બચાવ્યો
(વર્તમાન પ્રવાહ ન્યુઝ નેટવર્ક)
પારડી, તા.23: પારડીના પરિયા ખાતે આવેલ કંપનીમાં ટેન્કર નંબર એમએચ 46 5183 નો ચાલક સદગુરુ કાન્તાપ્રસાદ રહે યુપી વાપીથી કેમિકલ ભરી પરિયા આપવા માટે આવ્યો હતો ત્યાંથી પરત ફરતા રસ્તો ભૂલી જતા પારડી તરફ આવતા પરિયા રોડ જ્યોતિ પ્લાસ્ટિક કંપની નજીક આવેલ ખાડીમાં ટેન્કર ખાબકી જવા પામ્યું હતું અને ટેન્કરનો કેબિનનો સંપૂર્ણ ભાગ પાણીમાં ગડકાવ થતા ટેન્કરચાલક કેબિનમાં ફસાઈ જતા જીવ ગુમાવવાનો વારો આવ્યો હતો.
પરંતુ પરિયા નજીકની કંપનીઓમાં કામ કરતા કામદારોને લાવતા ઈકો મારુતિના ચાલકો (1) રાજુભાઈ પરમાર રહે. નાની વહીયાળ (2) જગદીશભાઈ પટેલ રહે. સરોધી (3) સંદીપભાઈ કેસરવાણી રહે. વલસાડ (4) ધર્મેશભાઈ હળપતિ રહે. ભેસલાપાડા તથા અન્યોએ તાત્કાલિક ખાડી પાસે દોડી જઈ પોતાના જાનના જોખમે પાણીમાં ગરકાવ કેબિનમાં ફસાયેલા ટેન્કર ચાલકને સહી સલામત રેસ્કયુ કરી બહાર કાઢી બચાવી લીધો હતો.
