(વર્તમાન પ્રવાહ ન્યુઝ નેટવર્ક)
દમણ, તા.29 : દેશના ગૃહમંત્રી અને ભાજપના સ્ટાર પ્રચારક શ્રી અમિતભાઈ શાહ આગામી તા.4થી મેના રોજ દમણમાં ભાજપના ઉમેદવાર શ્રી લાલુભાઈ પટેલ અને દાનહના શ્રીમતી કલાબેન ડેલકરના પ્રચાર માટે આવી રહ્યા હોવાની માહિતી સાંપડી છે.
ગૃહમંત્રી શ્રી અમિતભાઈ શાહની જાહેર સભા 4થી મેના શનિવારના રોજ સાંજે 4:00 વાગ્યે યોજાવાની હોવાની પ્રાથમિક જાણકારી મળી છે. આ કાર્યક્રમને સફળ બનાવવા માટે પ્રદેશ ભાજપ પ્રભારી શ્રી પૂર્ણેશભાઈ મોદીના માર્ગદર્શન હેઠળ પ્રદેશ ભાજપની ટીમ મંડી પડી હોવાની માહિતી મળી રહી છે.
