(વર્તમાન પ્રવાહ ન્યુઝ નેટવર્ક)
દમણ, તા.17 : દમણ એરપોર્ટ ઉપર ભાજપના રાષ્ટ્રીય અધ્યક્ષ શ્રી જે.પી.નડ્ડાનું આગમન થતાં પ્રદેશ ભાજપ પ્રમુખ શ્રી દીપેશભાઈ ટંડેલે ભવ્ય સ્વાગત કર્યું હતું. જ્યાં ભાજપના રાષ્ટ્રીય મહામંત્રી અને કાર્યક્રમના સંયોજક શ્રી કૈલાશ વિજયવર્ગીય પણ ઉપસ્થિત રહ્યા હતા.
પ્રદેશ ભાજપના કાર્યકર્તાઓએ વિશાળ બાઈક રેલી કાઢી હતી. ત્યારબાદ રાષ્ટ્રીય અધ્યક્ષશ્રી કાર્યક્રમના સ્થળે પહોંચવા પહેલાં ઠેર ઠેર તેમનું સ્વાગત કરવામાં આવ્યું હતું.
કાર્યક્રમ સ્થળ કડૈયા મીરાસોલ રિસોર્ટ ખાતે ભાજપના વરિષ્ઠ નેતાઓ, પ્રદેશ, જિલ્લા અને તમામ મોર્ચાના પદાધિકારીઓ દ્વારા રાષ્ટ્રીય અધ્યક્ષ શ્રી જે.પી.નડ્ડાનું સ્વાગત કરવામાં આવ્યું હતું.
