(વર્તમાન પ્રવાહ ન્યુઝ નેટવર્ક)
સેલવાસ, તા.01: દાદરા નગર હવેલીના નરોલી ગામમાં ભાડાની ચાલમાં રહેતી એક પરિણીતા ગુમ થઈ હોવાની ફરિયાદ સેલવાસ પોલીસ સ્ટેશનમાં નોંધાઈ છે.
પ્રાપ્ત વિગત અનુસાર ફરિયાદી જય પ્રકાશ સિંગ એમની પત્ની મુન્ની જયપ્રકાશ સિંગ (ઉ.વ.23) સાથે ચંદ્રસિંહ જાદવની ભાડુતી ચાલ, કાકડ ફળિયા, નરોલી ખાતે રહે છે. મૂળ રહેવાસી વારાણસી (ઉત્તરપ્રદેશ) ગત 26 ઓગસ્ટના રોજ સવારે આઠ વાગ્યે કોઈને કંઈપણ જણાવ્યા વગર રૂમ પરથી ચાલી ગઈ હતી. એમના પતિએ આજુબાજુ તેમજ મિત્રો તથા સગાં-સંબંધીઓના ઘરે તપાસ કરેલ પરંતુ મળી આવેલ નહિ, ત્યારબાદ જયપ્રકાશ સિંહે સેલવાસ પોલીસ સ્ટેશનમાં ગુમ થયેલ હોવાની ફરિયાદ આપી છે. આ પરિણીતા અંગે કોઈને કોઈપણ જાણકારી હોય તો સેલવાસ પોલીસ સ્ટેશનનો સંપર્ક કરવા જણાવ્યું છે.
