(વર્તમાન પ્રવાહ વાપી બ્યુરો) વાપી, તા.02
ગુજરાત યુથ કોંગ્રેસ પ્રદેશ પ્રમુખ વલસાડ જિલ્લાના પ્રવાસે પધાર્યા હતા. જિલ્લા કોંગ્રેસ કારોબારી સાથે વિચાર વિમર્શ કર્યો હતો. તેમજ કેન્દ્ર સરકાર દ્વારા પ્રસ્તુત કરાયેલ બજેટને વખોડયુ હતું.
પ્રદેશ કોંગ્રેસ યુથ પ્રમુખ વિશ્વનાથ સિંહ વાઘેલા અને ગુજરાત કોંગ્રેસ પ્રભારી મોહંમદ શાહીદ સાથે ગતરોજ વલસાડ જિલ્લાના પ્રવાસે અને મુલાકાતે પધાર્યા હતા. જિલ્લા પ્રમુખ દિનેશભાઈ પટેલના નેતૃત્વમાં જિલ્લા કોંગ્રેસ કાર્યાલયમાં કારોબારી મીટીંગ યોજાઈ હતી. યુથ પ્રમુખએ કારોબારી અને હોદ્દાદારોને આવનારી વિધાનસભાની ચૂંટણી અંગે માર્ગદર્શન અને વિચાર વિમર્શ કર્યો હતો. સમગ્ર ગુજરાતમાં રાજ્ય, જિલ્લા અને તાલુકા લેવલે યુથ કોંગ્રેસના હોદ્દેદારોની નિમણૂક થઈ ચૂકી છે. ઓનલાઈન મેમ્બરશીપમાં 8.80 લાખ જેટલા નવા યુવાન કાર્યકરો જોડાયા છે તેવો તેમણે દાવો કર્યો હતો. મીટીંગ બાદ કોંગ્રેસ કાર્યકરોએ બજેટના વિરોધમાંભાજપનું પૂતળા દહન કરીને સુત્રોચ્ચાર કર્યો હતો. બજેટને નિરાશાજનક ગણાવ્યું હતું.
