મૃતક યુવાનોના તૂટેલા મોબાઈલ માત્ર મળ્યા હોવાથી પોલીસે
ઓળખ કરવાના ચક્રો ગતિમાન કર્યા
(વર્તમાન પ્રવાહ વાપી બ્યુરો)
વાપી, તા.04: રેલવે લાઈન ક્રોસ કરતા ગાફેલપણા કે ઉતાવળમાં લોકો જીંદગીથી હાથ ધોઈ બેસતા હોવાના બનાવો લગાતાર બનતા રહ્યા છે. આજે સોમવારે સવારે વાપી ફાટકે રેલવે પાટા ક્રોસ કરતા બે યુવાનો ટ્રેન અડફેટમાં આવી જતા ઘટના સ્થળે જ બન્ને યુવાનના કમકમાટી ભર્યા મોત નિપજ્યા હતા.
વાપી જુના રેલવે ફાટકે ઉતાવળે ઉતાવળે રેલવે પાટો ક્રોસ કરી રહેલા બે યુવાનો ટ્રેક અડફેટમાં આવી જતા ક્ષણોમાં બન્ને યુવાનો લોહીના ખાબોચીયામાં પટકાયા હતા. વાપી રેલવે પોલીસને જાણ થતા જ જીઆરપી ઘટના સ્થળે ધસી આી હતી. મૃતક યુવાનના કપડા સામાન તપાસ કરતા માત્ર બે તૂટેલા મોબાઈલ મળી આવ્યા હતા તેથી મૃતકોની ઓળખ થઈ નહોતી. પોલીસે ઓળખ માટે એ.ડી. નોંધીને તપાસના ચક્રો ગતિમાન કર્યા હતા.
