March 28, 2024
Vartman Pravah
Breaking Newsડિસ્ટ્રીકટદીવદેશ

દીવ ન.પા.ના પ્રમુખની ચૂંટણી 16 જુલાઈએ યોજાશે

અધિક જિલ્લા કલેક્‍ટર વિવેક કુમારની પ્રિસાઇડિંગ ઓફિસર તરીકે કરાયેલીનિમણૂક

(વર્તમાન પ્રવાહ ન્‍યુઝ નેટવર્ક) દીવ, તા.12

દીવ નગરપાલિકાની તમામ 13 વોર્ડમાં ભાજપનો વિજય થયા બાદ હવે પ્રમુખ પદે કોણ બિરાજશે તે માટે આગામી તા.16મી જુલાઈના શનિવારે ચૂંટણી યોજાશે. આ અંગે દીવ જિલ્લા કલેક્‍ટર શ્રી ફવરમન બ્રહ્માએ અખબારી યાદી જાહેર કરીને જણાવ્‍યું છે કે દીવ નગરપાલિકાના પ્રમુખ અને ઉપ પ્રમુખની ચૂંટણી 16મી જુલાઈ, 2022ના રોજ દીવ નગરપાલિકાના સભાખંડમાં યોજાશે.

જિલ્લા કલેક્‍ટર દ્વારા બહાર પાડવામાં આવેલી માહિતી અનુસાર, દાદરા નગર હવેલી અને દમણ-દીવ મ્‍યુનિસિપાલિટી રેગ્‍યુલેશન 2004ની કલમ 53 હેઠળ દીવ નગરપાલિકા સભાગૃહમાં આગમી તા.16 જુલાઈ, 2022ના રોજ કાઉન્‍સિલરોની ખાસ બેઠક યોજાશે, જેમાં દમણ-દીવ નગરપાલિકા નિયમ 1995, હેઠળ દીવ નગરપાલિકાના પ્રમુખ અને ઉપ પ્રમુખની પસંદગી કરવામાં આવશે. આ ચૂંટણી માટે દીવના અધિક જિલ્લા કલેક્‍ટર શ્રી વિવેક કુમારની પ્રિસાઇડિંગ ઓફિસર તરીકે નિમણૂક કરવામાં આવી છે.

દીવ નગરપાલિકા પ્રમુખ અને ઉપ પ્રમુખની ચૂંટણી માટેના ઉમેદવારો 16મી જુલાઈના રોજ સવારે 10.30 થી 11.30 વાગ્‍યા સુધી પ્રિસાઇડિંગ ઓફિસર શ્રી વિવેક કુમારને તેમના ઉમેદવારી પત્રો જમા કરાવી શકશે. ઉમેદવારી પત્રોની ચકાસણી સવારે 11.30 થી 12.30 વાગ્‍યા સુધીકરવામાં આવશે, ત્‍યારબાદ ઉમેદવારો પાસે નામાંકન પરત ખેંચવા માટે બપોરે 12.30 વાગ્‍યા સુધીનો સમય રહેશે. 12.30થી દીવ નગરપાલિકાના પ્રમુખ અને નાયબ પ્રમુખની ચૂંટણી થશે.

Related posts

દાનહ ટ્રાફિકપોલીસ દ્વારા ટ્રાફિક નિયમ અંગે જાગરૂકતા કાર્યક્રમ યોજાયો

vartmanpravah

આરટીઓ કચેરીમાં તા.૧૯મી નવેમ્બરના રોજ મોટર-વાહન પબ્લીકને લગતી તમામ કામગીરી બંધ રહેશે

vartmanpravah

પ્રદેશના શહેરી વિભાગના સચિવ, ન.પા. અધ્‍યક્ષ અને ચીફ ઓફિસરે દાનહ અને દમણ-દીવને પીએમએવાય-યુમાં મળેલ પુરસ્‍કારને સંઘપ્રદેશના પ્રશાસક પ્રફુલભાઈ પટેલને અર્પણ કરી કરેલો ઋણ સ્‍વીકાર

vartmanpravah

દાનહમાં અન્‍ડર-16 હેન્‍ડબોલના ખેલાડીઓનું રવિવારે થનારૂં સિલેક્‍શનઃ રસ ધરાવતા ખેલાડીઓ ધ્‍યાન આપે

vartmanpravah

ઉમરગામ તાલુકા પંચાયત અને ઉમરગામ પાલિકામાં હોદ્દેદારોની વરણી માટે સેન્‍સ પ્રક્રિયાપૂર્ણ

vartmanpravah

જેસીઆઈની મહાત્‍મા ઝોન કોન્‍ફરન્‍સ નવસારી ખાતે યોજાઈ

vartmanpravah

Leave a Comment