(વર્તમાન પ્રવાહ વાપી બ્યુરો)
વાપી, તા.13: વાપી પાસે આવેલ બલીઠા ગામેથી પસાર થતી રેલવે ટ્રેક ઉપર મંગળવારે સાંજના સુમારે કોઈ અગમ્ય કારણોસર અજાણ્યા યુવાને ટ્રેન સામે પડતુ મુકી આપઘાત કર્યો હતો.
બલીઠા રેલવે પાટા ઉપર સપાર થઈ રહેલ માલગાડી સામે ગતરોજ સાંજના અજાણ્યા યુવાને પડતુ મુકી આપઘાત કરી લેતા લોકો ભેગા થઈ ગયા હતા. બીજી તરફ માલગાડીના ડ્રાઈવરે વાપી સ્ટેશન માસ્ટરને મેમો આપી જાણ કરી હતી. સ્ટેશન માસ્ટરે જી.આર.પી.ને જાણ કરતા જી.આર.પી.એ વાપી ટાઉન પોલીસને ઘટના અંગે જાણ કરી હતી. પોલીસે ઘટના સ્થળે પહોંચી લાશનો કબજો મેળવીને પી.એમ. માટે મોકલી આપી અજાણ્યા યુવાનની ઓળખ માટે વધુ તપાસ હાથ ધરી હતી.
