મૃતક ક્રિસ પટેલ ધો.11માં અભ્યાસ કરતો હતો
(વર્તમાન પ્રવાહ વાપી બ્યુરો)
વાપી, તા.05: ધરમપુરના ઓઝર ગામે આજે સોમવારે ધો.11માં અભ્યાસ કરી રહેલ વિદ્યાર્થીએ પોતાના જ ઘરમાં ગળે ફાંસો ખાઈ આત્મહત્યા કરી હતી. ઘટનાની જાણ બાદ સમગ્ર ગામમાં અરેરાટી વ્યાપી ગઈ હતી તેમજ અનેક તર્કવિતર્ક ગામમાં વહેતા થયા હતા.
પ્રાપ્ત વિગતો અનુસાર ધરમપુરના ઓઝર ગામે ઓઝર પીપળાફળીયામાં કુશ યોગેશભાઈ પટેલએ પોતાના ઘરમાં જ કોઈ અગમ્ય કારણોસર ગળે ટુંપો ખાઈ આત્મહત્યા કરી મોતને વહાલું કર્યું હતું. ધરમપુરની એમ.એસ. હાઈસ્કૂલ ધો.11માં અભ્યાસ કરતા 16 વર્ષિય ક્રિશ પટેલએ અચાનક આવુ પગલું ભરી લીધુ હતું. પડોશીએ ક્રિશનો લટકતો મૃતદેહ જોઈ જતા ઘટના પ્રકાશમાં આવતા જ ગામમાં અરેરાટી પ્રસરી જવા પામી હતી.