મૂળ જમ્મુ-કાશ્મિરના રહીશ મોહંમદ ઝાકીર ફૈઝ મોહંમદની એસ.ઓ.જી.એ અટક કરી
(વર્તમાન પ્રવાહ વાપી બ્યુરો)
વાપી, તા.15: વાપી એસ.ઓ.જી.એ કપરાડા અંભેટી ગામે પાવરગ્રીડ નામનીખાનગી કંપનીમાં સિક્યોરિટી ગાર્ડની ફરજ બજાવતા આરોપીને ગન અને જીવતા કારતૂસ સાથે ઝડપી પાડી કાયદેસરની કાર્યવાહી કરી હતી.
એસ.ઓ.જી. ટીમના વિક્રમભાઈ રાઠોડને બાતમી મળી હતી કે કપરાડાના અંભેટી ગામે પાવરગ્રીડ નામની કંપનીમાં સિક્યોરિટી ગાર્ડ તરીકે ફરજ બજાવતો હોઈ તેની પાસે ખોટું હથિયાર લાયસન્સ ધરાવે છે તેથી એસ.ઓ.જી.એ બાતમી મુજબ મૂળ જમ્મુ-કાશ્મિરનો રહીશ મોહંમદ ઝાકીર ફૈઝ મોહંમદને ધબોચી લીધો હતો. આરોપી હાલ રહે.અંભેટી પ્રકાશભાઈના રૂમ પાસે મૂળ રહે.જમ્મુ, બનાતલા ગુડા બ્રાહ્મણ મહોલ્લો સી.આર.સી.એફ. સેન્ટર પાસે, આરોપી પાસેથી એક ગન અને જીવતા કારતૂસ મળી આવતા કાયદેસરની કાર્યવાહી કરી એસોજીએ આરોપીની એટક કરી હતી.