(વર્તમાન પ્રવાહ વાપી બ્યુરો)
વાપી, તા.15: કપરાડા ખેતીવાડી ઉત્પન્ન બજાર સમિતિ (એ.પી.એમ.સી.)ની ચૂંટણી યોજાઈ હતી. ચૂંટણીમાં વિક્રમ સર્જક 99.34 ટકા મતદાન થયું હતું.મતદાન બાદ જ તુરત જ હાથ ધરાયેલી મત ગણતરીમાં ભાજપના તમામ ઉમેદવારોનો ભવ્ય વિજય થયો હતો.
કપરાડા ખેતીવાડી ઉત્પન્ન બજાર સમિતિની જાહેર થયેલ ચૂંટણી બાદ રાજકારણ ગરમાઈ ગયું હતું. એ.પી.એમ.સી. કપરાડાની ચૂંટણી ભાજપ-કોંગ્રેસ વચ્ચે રસાકસીનો જંગ હતો. શનિવારે યોજાયેલ ચૂંટણીમાં સર્વોચ્ચ લેખાવી શકાય તેવું સભાસદોએ 99.34 ટકા મતદાન કર્યું હતું. મતદાન બાદ હાથ ધરાયેલ મતગણતરીમાં ભાજપના ઉમેદવારો વિજયી બન્યા હતા. ઉલ્લેકનીય છે કે, વેપારી વિભાગની પેનલ ચૂંટણી અગાઉ જ બિનહરીફ વિજેતા બની હતી. હવે બજાર સમિતિના પ્રમુખ અને અન્ય હોદ્દેદારો કોણ કોણ હશે તેની ગડમથલનો આરંભ થઈ ગયો હતો.
