(વર્તમાન પ્રવાહ વાપી બ્યુરો)
વાપી, તા.07: ‘‘વહેચવાથી આનંદ બમણો મળે છે” આ કહેવતને શ્રી સ્વામિનારાયણ ગુરુકુળ સલવાવની પૂર્વ પ્રાથમિક શાળાના વાલીઓએ સાકાર કરી છે.
સ્વામિનારાયણ ગુરુકુળ સલવાવ પૂર્વ પ્રાથમિક દ્વારા આયોજિત મધર ક્રિએશન સોલ્ટ સ્પર્ધામાં 175 વાલીઓએ ભાગ લીધો હતો અને ખૂબ જ સુંદર રચનાઓ કરી હતી. તેમના દ્વારા બનાવેલ થાળી, તોરણ, મીણબત્તીઓ અને દીવા વેચીને એકત્ર થયેલા પૈસાથી પૂર્વ પ્રાથમિક શાળાના બાળકો અનાથ બાળકોને મળ્યા હતા. મોટાપોંઢા ગાંધી આશ્રમમાં તેમના શિક્ષકો સાથે સહકાર લઈ તેઓને બિસ્કિટ, ચોકલેટ અને પાવભાજી આપીને તેમની સાથેદિવાળી (પ્રકાશનો તહેવાર) માણ્યો હતો. આ પ્રવૃત્તિ દરમિયાન અમે બાળકોને શેરિંગ અને કેરિંગનું મહત્વ શીખવ્યું હતું. તે ખૂબ જ આનંદદાયક હતું અને ગાંધી આશ્રમના બાળકોના ચહેરા પર સ્મિત લાવવામાં અમે સફળ રહ્યા. આ પ્રવૃતિને સફળ બનાવવા માટે અમને સ્વામિનારાયણ ગુરુકુળ સલવાવના મેનેજિંગ ટ્રસ્ટી કપિલ સ્વામીજી અને ટ્રસ્ટીઓ અને નિયામક આચાર્યોનો સંપૂર્ણ સહયોગ મળ્યો હતો.
