(વર્તમાન પ્રવાહ ન્યુઝ નેટવર્ક)
સેલવાસ, તા.22 : દાદરા નગર હવેલીના નરોલી ગામની માઉન્ટ લિટરા ઝી સ્કૂલની ધોરણ-11માં અભ્યાસ કરતી વિદ્યાર્થીની કુ. પ્રાજક્તા શિંપીએ મુંબઈ ખાતે આયોજીત દ્વિતીય આંતરરાષ્ટ્રીય કરાટે ચેમ્પિયનશીપ-2023માં ઉત્સાહથી ભાગ લીધો હતો. જેમાં કુ. પ્રાજક્તા શિંપીએ પોતાની ખુબ મહેનતથી ત્રીજું સ્થાન મેળવ્યું હતું અને કાંસ્ય પદક મેળવવાનું ગૌરવ પ્રાપ્ત કર્યું હતું.
માઉન્ટ લિટરા ઝી સ્કૂલ પોતાની શાળાની વિદ્યાર્થીનીના સુંદર દેખાવ પર ગર્વની લાગણી અનુભવે છે. શાળા પરિવાર વતી કુ. પ્રાજક્તાને એમના ઉજ્જવળ ભવિષ્યની શુભકામના આપવામાં આવી હતી.