(વર્તમાન પ્રવાહ ન્યુઝ નેટવર્ક)
સેલવાસ, તા.03: સેલવાસ નરોલી રોડ પર લુહારી ફાટક નજીક ચણોદ વાપીના રહેવાસી રીક્ષા નંબર જીજે-15-વાયવાય-7221નો ચાલક નરોલી ગામે એક દુકાનમાં ટાયર મુકેલ હતા જેને લેવા માટે જઈ રહ્યો હતો તે સમયે લુહારી ફાટક નજીક જોરમાં બ્રેક મારતા રીક્ષા પલ્ટી મારી ગઈ હતી. જેને કારણે રીક્ષા ચાલક અંદર જ ફસાઈ ગયો હતો અને એના હાથમાં ગંભીર ઈજા થઈ હતી. ત્યાંથી પસાર થતા બાઈક સવારો ઉભા રહી રિક્ષાને સીધી કરી રીક્ષા ચાલક જે સ્ટીયરીંગમાં ફસાઈ ગયો હતો એને બહાર કાઢી 108 એમ્બ્યુલન્સ દ્વારા સારવાર અર્થે સિવિલ હોસ્પિટલમાં લઈ જવામાં આવ્યો હતો. આ ઘટનામા રીક્ષા ચાલકને ગંભીર ઈજા થઇ હતી.
