એન્ટરપ્રિનિયર, ઈન્ડસ્ટ્રીઝ કેટેગરી, હેલ્થ, જાહેર સંસ્થા જેવી કેટેગરીની પ્રતિભાનું સંકલન યુવાનોએ કરી પુસ્તકમાં કંડાર્યું
(વર્તમાન પ્રવાહ વાપી બ્યુરો)
વાપી, તા.03: વાપીના પાંચ જેટલા યુવાનોએ અથાગ પ્રયત્ન કરીને વાપી વલસાડ જિલ્લાની વિશિષ્ઠ વ્યક્તિઓ અને સંસ્થાઓનું આલેખન સાથેનું મેગેઝીન ‘‘ધ સિટી ઓફ કાર્નિવલ”નો વિમોચન કાર્યક્રમ યોજાયો.
કરમબેલા હાઈવે કલ્પતરુ ફુડ હબ હોલમાં યોજાયેલ વિમોચન કાર્યક્રમમાં ‘‘ધ સિટી ઓફ કાર્નિવલ” મેગેઝીનનું વિમોચન ઉમરગામના ધારાસભ્ય રમણલાલ પાટકરના હસ્તે કરવામાં આવ્યું હતું. કાર્યક્રમમાં અતિથિ વિશેષ તરીકે ભાજપ આર્થિક સેલના જિલ્લા સંયોજક મહેશભાઈ ભટ્ટ ઉપસ્થિત રહ્યા હતા. મુખ્ય મહેમાન પદેથી પૂર્વ મંત્રી ધારાસભ્ય રમણલાલ પાટકરે પ્રેરક ઉદ્દબોધન કર્યું હતું. જુદી જુદી કેટેગરી એન્ટરપ્રિનિયર, ઈન્ડસ્ટ્રીઝ, હેલ્થ, જાહેર સંસ્થાઓ વિશેષ્ઠ કામગીરીઓને પુસ્તકમાં આલેખાઈ છે. સમારંભમાંપ્રતિષ્ઠાઓનું એવોર્ડ આપી સન્માન કર્યું હતું. પુસ્તકનું આલેખન 20 થી 30 વર્ષના યુવાનો હર્ષ મિશ્રા, ધૃવ પંચાલ, જગદિશ રંગપરિયા, રાહુલ પંડિત અને રૂચિ મોટાએ કર્યું છે. પુસ્તકમાં જિલ્લાની ઉપયોગી માહિતીનો પણ સમાવેશ કરાયો છે.
