ગેરકાયદેસર ચાલતા ભંગાર ગોડાઉનમાં વારંવાર બનતા આગના બનાવ જોખમી છે
(વર્તમાન પ્રવાહ વાપી બ્યુરો)
વાપી, તા.08: વાપી, છીરી, સલવાવ, ડુંગરી ફળીયા વિસ્તારમાં અનેક ગેરકાયદેસર ભંગારના ગોડાઉન ધમધમી રહ્યા છે. આવા ગોડાઉનમાં અવાર નવાર આગના બનાવો બની રહ્યા છે તેમાં વધુ એક છીરીમાં આવેલભંગારના ગોડાઉનમાં રવિવારે રાત્રે અચાનક ભીષણ આગ લાગી હતી. આગની જાણ ફાયર બ્રિગેડને કરવામાં આવી હતી. તાબડતોબ ફાયર ટીમ ઘટના સ્થળ ઉપર પહોંચી ખુબ મહેનત બાદ આગ ઉપર કાબુ કરી દેવાયો હતો. આગના બનાવમાં ગોડાઉન ખાક થઈ ગયું હતું, મોટાભાગના ભંગાર ગોડાઉન રહેઠાણ વિસ્તાર વચ્ચે પાથરાયેલ હોઈ આગના બનાવોમાં સ્થાનિક રહીશોમાં પણ આવા બનાવોમાં ભયનો માહોલ છવાયેલ જોવા મળી રહ્યો હતો.
