(વર્તમાન પ્રવાહ ન્યુઝ નેટવર્ક)
સેલવાસ, તા.24 : આજે મોટી દમણ ખાતે કલેક્ટરાલયના સભાખંડમાં મિશન શક્તિ, સમાજ કલ્યાણ વિભાગ, દમણ દ્વારા કલેક્ટર શ્રી સૌરભ મિશ્રા અને નાયબ કલેક્ટર શ્રી રાહુલ દેવ બુરાની આગેવાની હેઠળ ‘રાષ્ટ્રીય બાલિકા દિવસ’ કાર્યક્રમનું આયોજન કરવામાં આવ્યું હતું. આ કાર્યક્રમમાં નવજાત બાળકીને ‘અભિનંદન કીટ’ ભેટ આપીને નવજાત બાળકીઓનું સન્માન કરવામાં આવ્યું હતું. જેનો ઉદ્દેશ્ય સમગ્ર ભારતમાં છોકરાઓ અને છોકરીઓને સમાન અધિકાર આપવાનો અને સમાજમાં છોકરીઓની સંખ્યા વધારવાનો અને છોકરાઓ અને છોકરીઓ વચ્ચેના ભેદભાવને દૂર કરવાનો છે.
આ ઉજવણી પાછળનો હેતુ આપણા સમાજમાં છોકરીઓનું રક્ષણ, સમર્થન અથવા લિંગ સમાનતા તેમજ રમતગમત, રાજકારણ, શિક્ષણ, આરોગ્ય અને કોર્પોરેટ વગેરે જેવા દરેક ક્ષેત્રમાં છોકરીઓને પ્રોત્સાહન આપવાનોછે.
