November 30, 2025
Vartman Pravah
Breaking NewsOtherડિસ્ટ્રીકટદમણદીવદેશસેલવાસ

સંઘપ્રદેશના પ્રશાસક પ્રફુલભાઈ પટેલના દિશા-નિર્દેશ અંતર્ગત દમણ પોલીસની ગાંધીગીરીઃ ટ્રાફિકના નિયમોનું ઉલ્લંઘન કરનારા વાહનચાલકો સામે ચલાનની દંડાત્‍મક કાર્યવાહીની જગ્‍યાએ ગુલાબનું આપેલું ફૂલ

દમણના નવનિયુક્‍ત ડીઆઈજી રાજેન્‍દ્ર પ્રસાદ મીણાએ પોલીસને વધુ લોકાભિમુખ અને પ્રજાવત્‍સલ બનાવવા શરૂ કરેલા અભિયાનના ભાગરૂપે ટ્રાફિકના નિયમોની અવહેલના કરનારાઓ પાસે ભવિષ્‍યમાં નિયમોનું પાલન કરવાના સત્‍યનો રાખેલો આગ્રહ

(વર્તમાન પ્રવાહ ન્‍યુઝ નેટવર્ક)
દમણ, તા.24: આજે દમણ પોલીસે ટ્રાફિકના નિયમોનું ઉલ્લંઘન કરનારા વાહનચાલકો સામે ચલાનની દંડાત્‍મક કાર્યવાહીની જગ્‍યાએગુલાબનું ફૂલ આપી ગાંધીગીરી કરી હતી અને ટ્રાફિકના નિયમોનું પાલન કરવાના સત્‍યનો આગ્રહ પણ કર્યો હતો.
પ્રાપ્ત માહિતી પ્રમાણે દમણના નવનિયુક્‍ત એસ.પી. શ્રી રાજેન્‍દ્ર પ્રસાદ મીણાએ પોલીસ તંત્રની કામગીરીને લોકાભિમુખ કરી પ્રજાવત્‍સલ બનાવવા શરૂ કરેલા અભિયાનના ભાગરૂપે 35મા ‘રાષ્‍ટ્રીય સડક સુરક્ષા મહિના’ અંતર્ગત આજે હેલમેટ અને સીટબેલ્‍ટ બાંધવા વગર ચલાવી રહેલ દ્વિચક્રી અને ચારચક્રી વાહનચાલકો સામે ચલાન ફાડવાની જગ્‍યાએ તેમને ગુલાબનું ફૂલ આપી ફરી આવી ભૂલ નહીં કરવા સમજ આપવામાં આવી હતી.
દમણના ડી.આઈ.જી.પી. શ્રી આર.પી.મીણાના નેતૃત્‍વમાં એસ.ડી.પી.ઓ. શ્રી રજનીકાંત અવધિયા, ટ્રાફિક ઈન્‍ચાર્જ પી.આઈ. શ્રી કે.બી.મહાજન તથા પી.એસ.આઈ. શ્રી વિશાલ પટેલ સહિત પોલીસકર્મીઓએ ટ્રાફિકના નિયમોની અવહેલના કરવાવાળા વાહનચાલકોને ગુલાબનું ફૂલ આપી ગાંધીગીરી કરી હતી. જેના કારણે ટ્રાફિકના નિયમોનું ઉલ્લંઘન કરનારા વાહનચાલકોએ સ્‍વયં શરમ અનુભવી હતી.
અત્રે યાદ રહે કે, સંઘપ્રદેશ દાદરા નગર હવેલી અને દમણ-દીવના પરિવહન વિભાગ દ્વારા 15 જાન્‍યુઆરીથી 14 ફેબ્રુઆરી સુધી 35મા ‘રાષ્‍ટ્રીય સડક સુરક્ષા મહિના’ની ઉજવણી કરવામાં આવી રહી છે. આ મહિનામાં વિભાગ દ્વારા સ્‍કૂલ-કોલેજ સહિત વિવિધ જગ્‍યાઓએ અનેક પ્રકારના જાગૃતિઅભિયાન ચલાવવામાં આવી રહ્યા છે. આજે દમણ પોલીસના ડેપ્‍યુટી ઈન્‍સ્‍પેક્‍ટર ઓફ જનરલ શ્રી રાજેન્‍દ્ર પ્રસાદ મીણાએ જિલ્લાના વાહનચાલકોને ગુલાબનું ફૂલ આપી ટ્રાફિકના નિયમોનું પાલન કરવા પ્રેરિત કર્યા હતા.

Related posts

વાપી રેલવે સ્‍ટેશનથી દાદરા ચેક પોસ્‍ટ સુધી દોડતી બસ પાછળના ચાર ટાયર પૈકી ત્રણ ટાયરો વડે ચાલી રહી છે

vartmanpravah

સેલવાસના અટલ ભવન ખાતે સેંકડો કાર્યકરોએ નિહાળેલો ‘મન કી બાત’ના 100મા પ્રસારણનો કાર્યક્રમ

vartmanpravah

વલસાડ સરકારી પોલીટેકનિક અને આર.ટી.ઓ દ્વારા પતંગના દોરાથી બચવા સેફટી બેલ્‍ટનું વિતરણ કરાયું

vartmanpravah

પ્રશાસક પ્રફુલભાઈ પટેલની ઉપસ્‍થિતિમાં પ્રધાનમંત્રી નરેન્‍દ્રભાઈ મોદીના ‘‘પરીક્ષા પે ચર્ચા” કાર્યક્રમને દમણના વિદ્યાર્થીઓએ જીવંત નિહાળ્‍યું

vartmanpravah

થાલા ગામે ગુલમોહરથી શોભી ઉઠેલી તળાવની પાળ

vartmanpravah

ચીખલી તાલુકાની નવી અમલમાં આવેલ આંબાપાડા ગ્રામ પંચાયતના પંચાયત ઘરનું ખાતમુહૂર્ત કેબિનેટ મંત્રીના હસ્‍તે કરાતા સ્‍થાનિકોમાં ખુશી

vartmanpravah

Leave a Comment