છરવાડા ગામથી 10 થી વધુ મુસાફરો ભરી કોસ્ટલ હાઈવે ઉપર
પસાર થતા અકસ્માત નડયો
(વર્તમાન પ્રવાહ વાપી બ્યુરો)
વાપી, તા.15: વલસાડ નજીક લીલાપોરકોસ્ટલ હાઈવે ઉપર આજે સોમવારે સવારે છરવાડા ગામથી મુસાફરો ભરીને નિકળેલો ટેમ્પો ચાલકે કાબુ ગુમાવતા પલટી મારી ગયો હતો. અકસ્માતમાં 10 ઉપરાંત મુસાફરોને નાની મોટી ઈજા થતા ખાનગી હોસ્પિટલમાં સારવાર માટે ખસેડાયા હતા.
લીલાપોર કોસ્ટલ હાઈવે ઉપર ટેમ્પો નં.ડીડી 01 એ 9676 10 જેટલા મુસાફરો છરવાડાથી ભરીને લીલાપોર કાપરી રોડ ઉપર પસાર થઈ રહ્યો હતો ત્યારે ઓવરબ્રીજ નજીક અચાનક ટેમ્પો પલટી મારી ગયો હતો. ગંભીર અકસ્માતમાં 10 જેટલા મુસાફરોને નાની મોટી ઈજાઓ થઈ હતી. અકસ્માત બાદ સ્થાનિક લોકો ભેગા થઈ ગયા હતા. 108 એમ્બ્યુલન્સને જાણ કરતા તમામ ઘાયલ મુસાફરોને સારવાર માટે ખાનગી હોસ્પિટલમાં ખસેડાયા હતા.
