(વર્તમાન પ્રવાહ વાપી બ્યુરો)
વાપી, તા.26: ભારતનો અતિવ્યસ્ત ગણાતો નેશનલ હાઈવે-48 ઉપર અકસ્માતોની રફતાર રોજીંદી બની ચુકેલ છે. તેવો વધુ એક વિચિત્રઅકસ્માત શનિવારે રાત્રે પારડી નેશનલ હાઈવે રેમન્ડ કંપની સામે થયો હતો. આગળ ચાલતા વાહને અચાનક બ્રેક મારી દેતા એક ટેમ્પો સહિત આઠ કારો મળી કુલ 9 વાહનો ભટકાયા હતા.
પારડી નેશનલ હાઈવે રેમન્ડ કંપની સામે રાત્રે થયેલા વિચિત્ર અકસ્માતમાં 9 જેટલા વાહનો એકબીજા સાથે ઉપરા ઉપરી ભટકાયા હતા. જો કે મીન ટાઈમ પારડી પોલીસ પેટ્રોલીંગમાં જ હતી તેથી તુરત ઘટના સ્થળે હાજર રહી મામલો ચુસ્ત રીતે સંભાળી લીધો હતો. અકસ્માતમાં વાહનોને નાના મોટા નુકશાન થયા હતા પરંતુ કોઈ જાનહાની થવા પામી ન હતી. અકસ્માત અંગે કોઈ વાહન ચાલકે ફરિયાદ નોંધાવી નહોતી.
