(વર્તમાન પ્રવાહ વાપી બ્યુરો)
વાપી, તા.19
છેલ્લા બે દિવસથી વલસાડ જિલ્લામાં બારેમેઘ વરસી રહ્યો છે તેમજ ઉપરવાસમાં પડી રહેલા અતિશય વરસાદને લઈ મધુબન ડેમમાં 95000 ક્યુસેક પાણીની આવક થતા આજે ડેમના સાત દરવાજા ખોલીને 75 હજાર કયુસેક પાણી છોડવામાં આવ્યું હતું. પરિણામે દમણગંગા કાંઠાના ગામો એલર્ટ કરવામાં આવ્યા હતા.
બે દિવસથી મેઘરાજાની ધુંવાધાર બેટીંગને લઈ જિલ્લાની નદીઓ બે કાંઠે વહી રહી છે. ક્યાંક પૂર જેવી સ્થિતિ પણ સર્જાઈ રહી છે. મધુબન ડેમમાં ઉપરવાસના વરસાદને લઈ પાણીની આવકમાં વધારો થતા દમણગંગા નદી બે કાંઠે છલકાઈ રહી હતી.
વધુ પાણી નદીમાં આવતા વાપીનો કોઝવે અતિશય ઓવરફલો થઈ પાણી વધુ વહેતા કોઝવે ઉપર પોલીસ બંદોબસ્ત ગોઠવવામાં આવ્યો હજ પણ હવામાન ખાતાની આગાહી મુજબ આગામી ત્રણ દિવસ વલસાડ જિલ્લામાં વધુ વરસાદ પડશે.
