(વર્તમાન પ્રવાહ ન્યુઝ નેટવર્ક)
પારડી, તા.26: પારડી તાલુકાના મોતીવાડા ગામની યુવતી સાથે બનેલ રેપ વિથ મર્ડરના ઘટનાનો આરોપી અગિયારસ દિવસ બાદ વાપી ખાતેથી ઝડપાઈ ગયો હતો. આ આરોપીને કોર્ટમાં રજૂ કરાતા કોર્ટે દસ દિવસના રિમાન્ડ આપ્યા હતા. આ આરોપીની પૂછપરછ દરમિયાન સમગ્ર દેશના વિવિધ રાજ્યોમાં બનેલ હત્યા, લૂંટ, દુષ્કર્મ અને ચોરી સહિતના અનેક ખુલાસાઓ સામે આવ્યા હતા.
આજરોજ પોલીસે આ રેપ વિથ મર્ડરના ઘટના સ્થળે આરોપીને સાથે લાવી આ ઘટનાનો અંજામ એણે કેવી રીતે આપ્યો એ અંગેનું રી-કન્સ્ટ્રક્શન કરવામાં આવ્યું હતું. આ રી-કન્સ્ટ્રકશન દરમિયાન આરોપીએ ઉદવાડા રેલવે સ્ટેશનના છેવાડેથી 14મી તારીખે યુવતીનો પીછો કરી અવાવરું જગ્યાએ યુવતી પહોંચતા આ યુવતીનું મોં દબાવી બેભાન કરી આશરે ચારથી પાંચ ફૂટ ઊંચીતારની વાડની અંદર સૌ પ્રથમ આ યુવતીને ફેંકી દીધા બાદ પોતે અંદર પ્રવેશી આ આંબાવાડીમાં ઝાડની નીચે આ યુવતી સાથે દુષ્કર્મ અને સૃષ્ટિ વિરુદ્ધનું કળત્ય કરી આ આંબાવાડીના પાછળના ભાગે આવેલ આશરે 8 થી 10 ફૂટ ઊંચી દિવાલ ઓળંગી હાઇવે તરફ ભાગી છુટયો હતો. આરોપી પોતે એક પગે અપંગ હોવા છતાં 10 ફુટ જેટલી ઊંચી દિવાલ ઓળગી જતા પોલીસનો કાફલો પણ અચંબામાં પડી ગયો હતો.
રી-કન્સ્ટ્રક્શનને લઈ ઘટના સ્થળે આવેલ પોલીસ કાફલાને જોતા મોતીવાડા ગામના સ્થાનિક મહિલાઓ સહિત ખૂબ મોટી સંખ્યામાં લોકો ભેગા થઈ ગયા હતા અને દરેકના મોં પર એક આક્રોશ જોવા મળતો હતો અને આ આરોપીને ફાંસીની સજા મળવી જ જોઈએ એવી માંગ કરી રહ્યા હતા.
અહી પારડી સહિતની વલસાડ જિલ્લાની તમામ પોલીસની ટીમો રેલવે પોલીસની ટીમોને ખાસ અભિનંદન એટલા માટે આપવા પડે કે જો આ વિકળત માનસિકતા ધરાવતો આરોપી આ યુવતી સાથે દુષ્કર્મ અને હત્યા કર્યા બાદ અને પહેલા પણ જો બીજી હત્યા કરી શકતો હોય તો અહીંથી છટકી જવામાં જો એ સફળ થયો હોત તો બીજા અનેક ગુનાને અંજામ આપી ચુકયો હોત.
