આરોપી મુસ્તફીર ઉર્ફે સોનુ અને ઈરફાન ઉર્ફે છોટુ અલીખાન પાસેથી 2152 ગ્રામ ગાંજો એસ.ઓ.જી.એ ઝડપ્યો
(વર્તમાન પ્રવાહ વાપી બ્યુરો)
વાપી, તા.30: વાપી સહિત વલસાડ જિલ્લામાં માદક પદાર્થોનું ગેરકાયદે નેટવર્ક વધી રહેલું હોવાથી સ્પે.ઓપરેશન ગૃપ (એસ.ઓ.જી.) હાઈ એલર્ટ ઉપર છે. ગયા સપ્તાહમાં વાપી ટાંકી ફળીયામાંથી એક મહિલા પાસે 2 કિલો ઉપરાંત ગાંજો એસ.ઓ.જી.એ ઝડપ્યો હતો. ત્યારે આજે સોમવારે ભિલાડ પોલીસ સ્ટેશન હદ વિસ્તારમાંથી એસ.ઓ.જી.એ ગાંજા સાથે બે આરોપી યુવકને ઝડપી પાડી કાયદેસરની કાર્યવાહી કરી હતી.
એસ.ઓ.જી. પી.આઈ. એ.યુ. રોઝને મળેલી બાતમી આધારે ભિલાડ વિસ્તારમાં પેટ્રોલીંગમાં હતા તે દરમિયાન બે યુવકો પાસે શંકાસ્પદ બેગ પોલીસે જોઈ હતી. તેથી તપાસ કરી તો બેગમાંથી 2152 કિલોગ્રામ ગાંજાનો જથ્થો મળી આવ્યો હતો તેથી પોલીસે ારોપી મુસ્તફીર ઉર્ફે સોનુ અને ઈરફાન ઉર્ફે છોટુ અલીખાન નામના બે યુવાનોની અટક કરીને કાયદેસરની કાર્યવાહી કરી હતી. વધુ તપાસ ભિલાડ પો.સ્ટે.માં પી.આઈ. આર.પી. ધોડીયાચલાવી રહ્યા છે.
