કલેક્ટરમાં લીધેલા રૂપિયાની નામજોગ યાદી સાથે લેખિત ફરિયાદ કરાઈ
(વર્તમાન પ્રવાહ વાપી બ્યુરો)
વાપી,તા.10: આજરોજ તા.10/10/2024 ના દિને ધરમપુર તાલુકાના ગ્રુપ ગ્રામ પંચાયત બોપી ગામે પ્રધાનમંત્રી યોજનામાંથી ગામ લોકોએ કરેલ ફરિયાદના આધારે બોપી ગામના સરપંચ પતિ દ્વારા આવાસના મળેલ હપ્તામાંથી માંગેલ રૂપિયા બાબતે લેખિતના ટીડીઓ શ્રી ધરમપુર, ડીડીઓ શ્રી વલસાડ, કલેકટરશ્રી વલસાડને લેખિતમાં લીધેલ રૂપિયાની રકમ અને નામોની યાદી અને સહી સાથે ફરિયાદ કરી અને જે બાબતે તપાસ કરી યોગ્ય ન્યાયની માંગણી કરી હતી.
ગામ લોકોએ કરેલ ફરિયાદના આધારે સરકાર તરફથી આપવામાં આવેલ આવાસના હપ્તામાંથી ગામના સરપંચ પતિ દ્વારા લીધેલ રૂપિયા જે નામ સાથે ફરિયાદ કરી અને જેના લીધે એમના ઘરો અધૂરા છે તે લેખિતમાં કરેલ ફરિયાદમાં જણાવવામાં આવ્યું હતું. જે બાબતે યોગ્ય તપાસ કરી યોગ્ય કાર્યવાહી કરવા બાબતે ભોગ બનેલ લાભાર્થીઓ સાથે લેખિતમાં ફરિયાદ કરવામાં આવી હતી.
