ઘટના સી.સી.ટી.વી.માં કેદ લાખોનો સામાન ચોરાયાની વાત
પ્રાથમિક તબક્કે ચાલી રહી છે
(વર્તમાન પ્રવાહ વાપી બ્યુરો)
વાપી, તા.10: વાપી વિસ્તારમાં છેલ્લા કેટલાક સમયથી ઘરફોડ ચોરીના બનાવોમાં નોંધપાત્ર ઘટાડો જોવા મળ્યો છે. પરંતુ ઘરફોડ ચોરી વિસ્મૃત થાય તે પહેલા વાપી મેઈન બજારમાં આવેલ ઈબ્રાહિમ માર્કેટમાં વિતેલી રાતમાં સાતિર ચોરએ પાંચ જેટલી દુકાનના તાળા તોડયાની ઘટના બનવા પામી છે. છઠ્ઠી દુકાનમાં પણ ચોરીનો પ્રયાસ કર્યો હતો. સમગ્ર ચોરીની ઘટના સી.સી.ટી.વી.માં કેદથઈ હતી.
હાલમાં વાપીમાં ધૂમધામથી ઠેર ઠેર નવરાત્રી મહોત્સવ ચાલી ઉત્સવ રહ્યો છે. પોલીસનું ધ્યાન નવરાત્રીમાં કેન્દ્રીત છે તેવી તકનો લાભ એક સાતિર ચોરે ઉઠાવ્યો હતો. વાપી મેઈન બજારમાં આવેલ ઈબ્રાહીમ માર્કેટમાં ચોર ઘૂસી ગયો હતો. બહું સિફતપૂર્વક નીચે બેસી દુકાનના તાળા તોડી ચાલાકીથી શટર તોડી અંદર ઘૂસી ચોરીને અંજામ આપતો ચોર સી.સી.ટી.વી. કેમેરામાં કેદ થયો હતો. ઘટનાની જાણ બાદ ટાઉન પોલીસ ઘટના સ્થળે પહોંચી તપાસ હાથ ધરી છે. ચોરીમાં લાખોનો સામાન્ય ચોરાયાનું પ્રાથમિક અનુમાન બહાર આવ્યું છે. વેપારીઓ ગણતરી કરી રહ્યા છે. બાદમાં ફાઈનલ કેટલી ચોરી થઈ તેની વિગતો બહાર આવશે.