પોલીસે દારૂ સાથે રૂા.18.67 લાખનો મુદ્દામાલ જપ્ત કરીને ચાલકની અટક કરી
(વર્તમાન પ્રવાહ વાપી બ્યુરો)
વાપી, તા.18: વલસાડ રૂરલ પોલીસે મળેલી બાતમી આધારે વલસાડ અતુલ પાવર હાઉસ પાસેથી વોટર ફિલ્ટર બોડીની આડમાં કન્ટેનરમાં છુપાવીને લઈ જવાતો રૂા.10.62 લાખનો દારૂનો જથ્થો ભરેલ કન્ટેનર ઝડપી પાડયું હતું.
વલસાડ રૂરલ પોલીસે હાઈવે ઉપર વાહનો ચેકીંગ કામગીરી હાથ ધરી હતી તે દરમિયાન સુરત તરફ જતાહાઈવે ઉપર કન્ટેનર નં.જીજે 23 એટી 3622 ને અટકાવી ચેકીંગ કરાયું હતું. કન્ટેનરમાં વોટર ફિલ્ટરની આડમાં છુપાવાયેલ 3960 બોટલ દારૂનો જથ્થો મળી આવ્યો હતો. દારૂની કિંમત રૂા.10.62 લાખ તથા કન્ટેનર મળી પોલીસે રૂા.18.67 લાખનો મુદ્દામાલ જપ્ત કર્યો હતો. પોીલસે પ્રોહિબિશનનો ગુનો નોંધી કન્ટેનર ચાલકની ધરપકડ કરી હતી. રૂરલ પોલીસને દારૂનો વિપુલ જથ્થો ઝડપી પાડવાની સફળતા મળી હતી. ગુજરાતમાં નામ પૂરતી દારૂબંધી છે, બાકી છાશવારે દારૂની હેરાફેરી કરતા વાહનો રોજેરોજ પકડાઈ રહ્યા છે.
