(વર્તમાન પ્રવાહ વાપી બ્યુરો)
વાપી, તા.01
વાપી કોર્ટમાં કાર્યરત વાપી બાર એસોસિએશનની આગામી બે ટર્મ માટે વિવિધ પદો માટેનો ચૂંટણી કાર્યક્રમ જાહેર કરવામાં આવ્યો છે.
ચૂંટણી કમિશ્નર દ્વારા જાહેર કરાયેલ વાપી બાર એસોસિએશનની ચૂંટણી આગામી તા.17મી ડિસેમ્બરને શુક્રવારના રોજ યોજાશે. જેમાં ફોર્મ મેળવવા તા.9થી 10 ડિસેમ્બર, જમાકરવાની તા.10 ડિસેમ્બર, ચકાસણી તા.12 ડિસેમ્બર, ફોર્મ પરત ખેંચવાની તા.14 ડિસેમ્બર અને ચૂંટણી તા.17 ડિસેમ્બરે યોજાશે. પ્રમુખ, ઉપપ્રમુખ, સેક્રેટરી, જોઈન્ટ સેક્રેટરી, ટ્રેઝરર અને લાઈબ્રેરીયનની એક એક પોસ્ટ અને ઈ-લાઈબ્રેરીયનની બે પોસ્ટ માટે ચૂંટણી યોજાનાર છે. બાર કાઉન્સીલ ઓફ ગુજરાત દ્વારા માન્ય મતદાર યાદીમાં નામ હશે તેઓ મતદાન કરશે. ચૂંટાયેલા હોદ્દેદારોની મુદત 1 ડિસેમ્બર થી 31 ડિસેમ્બર 2022 સુધીની રહેશે તેવુ બાર એસો. દ્વારા જણાવવામાં આવેલ છે.
