(વર્તમાન પ્રવાહ ન્યુઝ નેટવર્ક)
સેલવાસ,તા.21: દાદરા નગર હવેલીના ખરડપાડા વિસ્તારમાં આવેલ એકકંપનીમાં મોત થતાં દોડધામ મચી જવા પામી હતી.
પ્રાપ્ત માહિતી મુજબ ખરડપાડા ગામે આવેલ ધ સુપ્રીમ ઇન્ડસ્ટ્રીઝ લીમીટેડમાં કામ કરતા દિપક (ઉ.વ.27) મૂળ રહેવાસી ઓરિસ્સા જે કુદરતી હાજતે ટોયલેટમાં ગયા હતો તે સમયે અચાનક કોઈક કારણસર લપસી પડયા હતા. કંપનીમાં કામ કરતા અન્ય કર્મચારીની ખબર પડતા કંપની સંચાલકને જાણ કરી હતી, તેઓએ યુવકને જોતાં તેનું ઘટના સ્થળ ઉપર મોત થયાનું માલૂમ પડયું હતું. ત્યારબાદ આ ઘટના અંગે પોલીસને જાણ કરતા ક્રાઇમ બ્રાન્ચના પી.આઈ. શ્રી હરેશસિંહ રાઠોડ, પી.એસ.આઇ. શ્રી સુરજ રાઉત અને એમની ટીમ પહોંચી હતી અને લાશનો કબ્જો લઈ પી.એમ. માટે સિવિલ હોસ્પિટલમાં મોકલી આપવામાં આવી હતી. આ યુવાનનું કયા કારણસર મોત થયું છે એ પોસ્ટ મોર્ટમ(પી.એમ.) રિપોર્ટ આવ્યા બાદ જ ખબર પડશે. આ ઘટના અંગે અકસ્માત મોતનો ગુનો નોંધી વધુ તપાસ સેલવાસ પોલીસ કરી રહી છે.
