ઝીરો વિઝીબીલીટી વચ્ચે રેલ અને વાહન વ્યવહાર પ્રભાવિત
ચારથી છ કલાક સિમલા જેવું વાતાવરણ જોવા મળ્યું : આંબાવાડી હાફૂસ કેરી પાકને ધુમ્મસ ખરાબ કરશે
(વર્તમાન પ્રવાહ વાપી બ્યુરો)
વાપી, તા. 05
વાપી સહિત વલસાડ જિલ્લામાં બે દિવસ વરસાદીયા અને ઠંડીના માહોલ બાદ આજે રવિવારે પ્રકૃતિએ મિજાજ બદલ્યો હતો. મળસ્કે ત્રણ ચાર વાગ્યા બાદ વાતાવરણમાં આવેલા પલટા બાદ સમગ્ર જગ્યાએ ધુમ્મસ છવાયો હતો. જેને લઈ ઝીરો વિઝીબીલીટી સર્જાઇ હતી. તેથી હાઈવે, રેલ્વે અને શહેરી વાહનોની અવરજવર જબ્બર પ્રભાવિત થવા પામી હતી. લગભગ ચારથી પાંચ કલાક સુધી ધુમ્મસની ચાદર છવાયેલી રહી હતી.
વાપીનો નજારો બે દિવસ પહેલા વરસાદનો નજારો જોવા મળેલો ઠંડી સાથે રેઈનકોટ અને સ્વેટર પહેરવાની દ્વિઘા ઉભી થઈ હતી. ત્યાં આજે રવિવારે મળસ્કે બે વાગ્યા પછી સમગ્ર વાપી શહેશ અને વલસાડ જિલ્લામાં ઘુમ્મસ છવાઈ જવા પામેલ તેથી ઝીરો વિઝીબીલીટીની સ્થિતિ વચ્ચે વાહન વહેવાર મંદ ગતિએ ધીરે ધીરે આગળ ચાલતો રહેલો પાંચ ફૂટના અંતર સુધી માંડ સામેનું દૃશ્ય જોવા મળ્યું હતું. તેટલો પ્રચૂર ઘાટ માત્રાામાં આ ધુમ્મસ આંબાવાડિયો માટે ખાસ કરીને હાફૂસ કેરીનું ઝાડ વધુસેન્સેટીવ હોય છે. તેથી ખેડૂતોના મતે હાફૂસ કેરી ઉપર ધુમ્મસની આડ અસર થશે.
જો કે રવિવાર હોવાથી લોકો રજાના મુડમાં હતા. તેથી ઝાઝી દોડાદોડી કરવાના મુડમાં નહોતો જો કે જેમ જેમ સૂર્યનારાયણ બહાર નિકળતા ગયા તેમ તેમ ધુમ્મસ ઓગળવા માંડયું હતું.