(વર્તમાન પ્રવાહ વાપી બ્યુરો)
વાપી, તા.05
આખરે જેનો ડર હતો તેવી સ્થિતિ નિર્માણ થઈ ચુકી છે. વલસાડ જિલ્લામાં આજે બુધવારે અધધ.. 71 જેટલા કોરોનાના પોઝિટિવ કેસો નોંધાતા વહીવટી અને આરોગ્ય તંત્રની ઊંઘ હરામ થઈ ગઈ હતી. જિલ્લામાં કોરોનાનો વિસ્ફોટ નોંધાયો છે.
વલસાડ જિલ્લામાં કોરોનાનો સર્વોચ્ચ સ્કોર આજે બુધવારે નોંધાયો છે. જિલ્લાના વિવિધ વિસ્તારોમાં 71 જેટલા નવા કોરોના પોઝિટિવ કેસ સામે આવ્યા છે. જે જિલ્લા માટે લાલબત્તી સમાન સાબિત થઈ રહ્યા છે ત્રીજી લહેર આવશે નહીં આવી જ ગઈ છે સમજો.
આજે સંક્રમિત જાહેર થયેલા દર્દીઓમાં ગુજરાતના પાણી પુરવઠા મંત્રી અને કપરાડાના ધારાસભ્ય શ્રી જીતુભાઈ ચૌધરીનો રિપોર્ટ પણ પોઝિટિવ આવ્યો છે. બીજી તરફ રાતોરાત કોરોના કેસોમાં વધારો આવતા વહીવટી તંત્ર અને આરોગ્ય વિભાગની ઊંઘ હરામ થઈ ચૂકી છે અને જિલ્લા માટે નવો પડકાર ઉભો થઈ ગયો છે. કોરોના ગાઈડ લાઈનનો અમલ એક માત્ર ઉપાય છે. નહીંતર સ્થિતિ ગંભીર થતાં વાર નહીં લાગે.
