(વર્તમાન પ્રવાહન્યુઝ નેટવર્ક) સેલવાસ, તા.28
દાદરા નગર હવેલીના સામરવરણી ગામે એક યુવાન એના સગાને ત્યાં આવ્યો હતો, ત્યાં ઝાડ કાપી રહ્યો હતો. તે સમયે અચાનક એક ડાળી સીધી એની છાતી પર આવી જતા ગંભીર ઈજા થઇ હતી. જેને સારવાર માટે સિવિલ હાસ્પિટલમાં લાવવામા આવ્યો હતો ત્યારબાદ એનું સારવાર દરમ્યાન મોત થયુ હતુ.
પ્રાપ્ત વિગત અનુસાર ઉજેશ રમેશ પટેલ (ઉ.વ.33) રહેવાસી પટેલપાડા, ફલાંડી જે એના સગા જે સામરવરણી રહે છે ત્યાં આવ્યો હતો અને ત્યાં ઝાડની ડાળીઓ કાપી રહ્યો હતો. તે સમયે અચાનક એક ડાળી ઉપરથી તુટીને સીધી એની છાતી પર આવી પડી હતી. જેના કારણે એને ગંભીર ઇજા થઈ હતી.
ઉજેશને તાત્કાલિક વિનોબાભાવે સિવિલ હોસ્પિટલમાં સારવાર અર્થે દાખલ કરવામા આવ્યો હતો જ્યાં એનુ સારવાર દરમ્યાન મોત થયું હતું. આ ઘટના અંગેની મસાટ પોલીસ દ્વારા ફરિયાદ નોંધી વધુ તપાસ હાથ ધરી છે.
